ଇମ୍ରାନ ଖାଁଙ୍କ ହେଲିକପ୍ଟରର ଜରୁରୀ ଅବତରଣ
ରାୱଲପିଣ୍ଡି: ଶନିବାରଦିନ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ତଥା ପାକିସ୍ତାନୀ ତେହେରିକ-ଇ-ଇନସାଫ (ପିଟିଆଇ) ମୁଖ୍ୟ ଇମ୍ରାନ ଖାଁଙ୍କ ହେଲିକପ୍ଟରରେ ଯାନ୍ତ୍ରିକ ତ୍ରୁଟି ଦେଖାଯିବାରୁ ରାଓ୍ବାଲପିଣ୍ଡିର ଏକ ଛୋଟ ଟାଉନରେ ତାହାର ଜରୁରୀ ଅବତରଣ କରାଯାଇଛି । ଇମ୍ରାନ ଡେରା ଇସମାଇଲ ଖାନରୁ ଇସଲାମାବାଦକୁ ଫେରୁଥିଲେ।
Sambad is now on WhatsApp
Join and get latest news updates delivered to you via WhatsApp
ପିଟିଆଇ ପକ୍ଷରୁ ଜାରି ଏକ ବିବୃତିରେ କୁହାଯାଇଛି ଯେ, ହେଲିକାପ୍ଟରରେ ଯାନ୍ତ୍ରିକ ତ୍ରୁଟି ଦେଖାଯିବାରୁ ପାଇଲଟ୍ ତାହାକୁ ରାଓ୍ବଲପିଣ୍ଡିର ଆଡିଆଲା ଟାଉନରେ ତାହାର ଜରୁରୀ ଅବତରଣ କରିଥିଲେ । ହେଲିକାପ୍ଟରରୁ ଓହ୍ଲାଇବା ପରେ ଇମ୍ରାନ ସ୍ଥାନୀୟ ଲୋକମାନଙ୍କ ସହ କିଛି ସମୟ ଆଲୋଚନା କରିବା ପରେ ସଡ଼କ ପଥରେ ଇସ୍ଲାମାବାଦ ଫେରିଯାଇଥିଲେ ।
ଚଳିତ ମାସ ଆରମ୍ଭରେ ଏକ ଅଦାଲତ ଅବମାନନା ମାମଲାରୁ ମୁକ୍ତ ହୋଇଥିଲେ ଇମ୍ରାନ । ଫଳରେ ସେ ଗିରଫ ହେବାରୁ ବର୍ତ୍ତି ଯାଇଥିଲେ । ଗତ ଅଗଷ୍ଟ ମାସ ୨୦ରେ ଇସ୍ଲାମାବାଦରେ ଅନୁଷ୍ଠିତ ଏକ ଜନସଭାରେ ସେ ଜିଲ୍ଲା ଜଜ୍ ଜେବା ଚୌଧୁରୀଙ୍କ ବିରୋଧରେ ବୟାନ ଦେଇଥିଲେ ।
ڈیرہ اسماعیل خان سے واپسی پر ہیلی کاپٹر کی اڈیالہ کے نواحی گاؤں کے قریب لینڈنگ
عمران خان مقامی افراد میں گھُل مل گئے، مقامی افراد سے دلچسپ گفتگو۔ pic.twitter.com/7XSjkx7Z9o
— PTI (@PTIofficial) October 8, 2022
ଏହାକୁ ନେଇ ଇମ୍ରାନଙ୍କ ନାଁରେ ଅଭିଯୋଗ କରାଯାଇଥିଲା । ଇସ୍ଲାମାବାଦର ମର୍ଗାଲା ପୁଲିସ ଷ୍ଟେସନରେ ମାଜିଷ୍ଟ୍ରେଟ୍ ଅଲି ଜାଭେଦ ଏକ ଏଫଆଇଆର ରୁଜ୍ଜୁ କରିଥିଲେ । ପରେ କୋର୍ଟ ତାଙ୍କ ନାଁରେ ଓ୍ବାରେଣ୍ଟ ଜାରି କରିଥିଲେ । ତେବେ ଇସ୍ଲାମାବାଦ ହାଇକୋର୍ଟର ଏକ ୫-ଜଣିଆ ଖଣ୍ଡପୀଠ ଇମ୍ରାନଙ୍କ କ୍ଷମାପ୍ରାର୍ଥନା ଓ ଆଚରଣରେ ସନ୍ତୁଷ୍ଟ ହେବା ସହ ତାଙ୍କୁ ଅଦାଲତ ଅବମାନନା ଅଭିଯୋଗରୁ ଦୋଷମୁକ୍ତ କରିଥିଲେ ।