ଦୁଇଟି ପୃଥକ ଆତଙ୍କବାଦୀ ଆକ୍ରମଣରେ ପୂର୍ବତନ ସରପଞ୍ଚ ମୃତ; ପର୍ଯ୍ୟଟକ ପତିପତ୍ନୀ ଆହତ

ଶ୍ରୀନଗର: ଶନିବାର ଦିନ ଜମ୍ମୁ-କଶ୍ମୀରର ଶୋପିଆନ୍ ଏବଂ ଅନନ୍ତନାଗ ଜିଲ୍ଲାରେ ଦୁଇଟି ପୃଥକ ଆତଙ୍କବାଦୀ ଆକ୍ରମଣରେ ଜୟପୁରର ଜଣେ ପର୍ଯ୍ୟଟକ ଦମ୍ପତି ଆହତ ହୋଇଥିବା ବେଳେ ପୂର୍ବତନ ବିଜେପି ସରପଞ୍ଚଙ୍କ ମୃତ୍ୟୁ ଘଟିଛି।

ପ୍ରଥମ ଘଟଣାରେ ଆତଙ୍କବାଦୀମାନେ ରାତି ପ୍ରାୟ ୧୦.୩୦ ସମୟରେ ଶୋପିଆନର ହିରପୋରା ଅଞ୍ଚଳରେ ଆଇଜାଜ ଶେଖ ନାମକ ଜଣେ ପୂର୍ବତନ ବିଜେପି ସରପଞ୍ଚଙ୍କ ଉପରକୁ ଗୁଳି ଚଳାଇଥିଲେ।
ଶନିବାର ଦିନ ହୋଇଥିବା ଅନ୍ୟ ଏକ ଘଟଣାରେ ଜୟପୁରର ଦୁଇ ଜଣ ବ୍ୟକ୍ତି ଆତଙ୍କବାଦୀମାନେ କେନ୍ଦ୍ର ଶାସିତ ଅଞ୍ଚଳର ଅନନ୍ତନାଗ ଜିଲ୍ଲାର ଏକ ପର୍ଯ୍ୟଟନ ଶିବିରରେ ଗୁଳି ଚଳାଇବା ପରେ ଆହତ ହୋଇଥିଲେ। ଆହତ ଫରହା ଏବଂ ତାଙ୍କ ସ୍ୱାମୀ ଟାବ୍ରେଜଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

କଶ୍ମୀର ଜୋନ୍ ପୁଲିସ ଟୁଇଟ୍ କରି କହିଛି, “ଆତଙ୍କବାଦୀମାନେ ଜୟପୁରର ବାସିନ୍ଦା ଫରହା ନାମକ ଜଣେ ମହିଳା ଏବଂ ତାଙ୍କ ପତି ତାବ୍ରେଜଙ୍କୁ ଅନନ୍ତନାଗର ୟାନାରରେ ଗୁଳି କରି ଆହତ କରିଥିଲେ। ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ଏହି ଅଞ୍ଚଳ ବନ୍ଦ ହୋଇଯାଇଥିଲା।”

ଅଧିକାରୀମାନେ କହିଛନ୍ତି ଯେ ଅନନ୍ତନାଗ ଏବଂ ଶୋପିଆନ୍ ଅଞ୍ଚଳକୁ କର୍ଡନ କରାଯାଇଛି ଏବଂ ଆକ୍ରମଣକାରୀଙ୍କୁ ଧରିବା ପାଇଁ ସର୍ଚ୍ଚ ଅପରେସନ ଆରମ୍ଭ କରାଯାଇଛି।

ଏପଟେ ଅନନ୍ତନାଗ-ରାଜୌରି ଆସନରେ ସଂସଦ ଭୋଟ ପାଇଁ ପ୍ରଚାର ଚାଲିଥିବା ବେଳେ ଏଭଳି ଘଟଣା ଘଟିଛି। ସେହିପରି ବାରାମୁଲ୍ଲାରେ ମତଦାନ ଆସନ୍ତା ୨୦ ତାରିଖରେ ପଞ୍ଚମ ପର୍ଯ୍ୟାୟରେ ଅନୁଷ୍ଠିତ ହେବ।

 

ସମ୍ବନ୍ଧିତ ଖବର