ଚେନ୍ନାଇ : ଚେନ୍ନାଇର ବେସିନ ବ୍ରିଜ୍‌ ୱାର୍କସପ୍‌ ନିକଟରେ ଗତକାଲି ବିଳମ୍ବିତ ରାତିରେ ଜନ ଶତାବ୍ଦୀ ଏକ୍ସପ୍ରେସର ଗୋଟିଏ ବଗି ଲାଇନଚ୍ୟୁତ ହୋଇଯାଇଛି। ଜନ ଶତାବ୍ଦୀ ଏକ୍ସପ୍ରେସ ବିଜୟୱାଡ଼ାରୁ ଆସୁଥିଲା। ପୁରଚି ଥାଲାଭିର ଡ. ଏମଜିଆର ଚେନ୍ନାଇ ସେଣ୍ଟ୍ରାଲ ଷ୍ଟେସନ୍‌ରେ ଏହା ଯାତ୍ରୀଙ୍କୁ ଓହ୍ଲାଇବାପରେ ବେସିନ ବ୍ରିଜ୍‌ ଆଡ଼କୁ ଯାଇଥିଲା। ଏହି ସମୟରେ ଗୋଟିଏ ବଗିର ୨ଟି ଚକ ଲାଇନରୁ ବାହାରି ଯାଇଥିଲା। ରାତି ପ୍ରା‌ୟ ୧୨ଟା ସମୟରେ ଏହି ଦୁର୍ଘଟଣା ହୋଇଛି। କିନ୍ତୁ ଏଥିଯୋଗୁଁ କେହି ମୃତାହତ ହୋଇନାହାନ୍ତି। ‌‌ରେଳ କର୍ମଚାରୀଙ୍କ ତତ୍କାଳ ପ୍ରୟାସ ଯୋଗୁଁ ଚକା ଦୁଇଟିକୁ ପୁଣିଥରେ ଟ୍ରାକ୍‌କୁ ଅଣାଯାଇଛି। ରେଳବାଇ ପୁଲିସ ଉକ୍ତ ଘଟଣାର ତଦନ୍ତ କରୁଛି। ଏଥିଯୋଗୁଁ କୌଣସି ଟ୍ରେନ୍‌ ଚଳାଚଳ ପ୍ରଭାବିତ ହୋଇନି ବୋଲି ରେଳ ଅଧିକାରୀ କହିଛନ୍ତି।