ଇସଲାମାବାଦ: ଶନିବାର ବେଲୁଚିସ୍ତାନର ମୁସଲିମବାଗ ଟାଉନର ଏକ ଶିବିରରେ ଆଜି ସକାଳେ ଆତଙ୍କବାଦୀମାନେ ଆକ୍ରମଣ କରିବା ପରେ ସୁରକ୍ଷାକର୍ମୀମାନେ ପ୍ରତିଆକ୍ରମଣ କରିଥିଲେ। ଏଥିରେ ୬ ଜଣ ଯାକ ଆତଙ୍କବାଦୀ ନିହତ ହୋଇଥିବା ଜଣାପଡ଼ିଛି। ସୂଚନା ଅନୁସାରେ, ଆଜି ସକାଳେ ଆତଙ୍କବାଦୀଙ୍କ ଆକ୍ରମଣରେ ଦୁଇଜଣ ସୈନିକ ନିହତ ହେବା ପରେ ସୈନିକମାନେ ସକ୍ରିୟ ହୋଇ ଉଠିଥିଲେ। ଆତଙ୍କବାଦୀମାନେ ଏକ କୋଠା ପରିସରରେ ଆତ୍ମଗୋପନ କରିବାକୁ ଚେଷ୍ଟା କଲାବେଳେ ସୁରକ୍ଷାକର୍ମୀମାନେ ସେମାନଙ୍କୁ ଆକ୍ରମଣ କରିଥିଲେ। ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ପ୍ରବଳ ଗୁଳିଗୋଳା ବିନିମୟ ହୋଇଥିଲା। ଏଥିରେ ସମସ୍ତ ୬ ଜଣ ଯାକ ତେହେରିକ-ଇ-ତାଲିବାନ ପାକିସ୍ତାନର ଆତଙ୍କବାଦୀ ନିହତ ହୋଇଥିଲେ।