ବିହାର ନିର୍ବାଚନ ପୂର୍ବରୁ କରୋନା କବଳରେ ବରିଷ୍ଠ ନେତା, ଫଡନାଭିସ ଓ ସୁଶୀଲ ମୋଦୀ କରୋନା ସଂକ୍ରମିତ

ନୂଆଦିଲ୍ଲୀ: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା ବିହାର ବିଧାନସଭା ନିର୍ବାଚନପାଇଁ ବିଜେପି ପ୍ରଭାରୀ ଥିବା ଦେବେନ୍ଦ୍ର ଫଡନାଭିସ୍ କୋଭିଡ -୧୯ ପଜିଟିଭ ବୋଲି ଜଣାପଡିଛି | ଦେବେନ୍ଦ୍ର ଫଡନାଭିସ୍ ନିଜେ ଟ୍ୱିଟ୍ କରି ଏହି ସୂଚନା ଦେଇଛନ୍ତି। କରୋନା ସଂକ୍ରମିତ ହେବା ପରେ ସେ ଟ୍ୱିଟ୍ କରି କହିଛନ୍ତି, ‘ଲକଡାଉନ୍ ପରଠାରୁ ମୁଁ ପ୍ରତ୍ୟେକ ଦିନ କାମ କରୁଛି, କିନ୍ତୁ ବର୍ତ୍ତମାନ ଲାଗୁଛି ଭଗବାନ ଚାଁହୁଛନ୍ତି ଯେ ମୁଁ କିଛି ସମୟ ବିରତି ନେବା ଆବଶ୍ୟକ ! ମୁଁ କୋଭିଡ ପଜିଟିଭ୍ ବୋଲି ଜଣାପଡିଛି ଏବଂ ବର୍ତ୍ତମାନ ମୁଁ ଆଇସୋଲେସନରେ ଅଛି | ଡାକ୍ତରଙ୍କ ପରାମର୍ଶରେ ଔଷଧ ଏବଂ ଚିକିତ୍ସା ଚାଲିଛି। ଏହା ସହ ସେ ଲେଖିଛନ୍ତି ଯେ ‘ଯେଉଁମାନେ ମୋ ସହ ଯୋଗାଯୋଗରେ ଥିଲେ, ସେମାନେ କରୋନା ପରୀକ୍ଷା କରିବା ଉଚିତ୍। ସମସ୍ତେ ନିଜର ଯତ୍ନ ନେବା ଉଚିତ୍ |

ଏହାପୂର୍ବରୁ ବିହାର ଉପମୁଖ୍ୟମନ୍ତ୍ରୀ ସୁଶୀଲ ମୋଦୀ, ଦଳର ମୁଖପାତ୍ର ଶାହନାୱାଜ ହୁସେନ୍, ପୂର୍ବତନ କେନ୍ଦ୍ର ମନ୍ତ୍ରୀ ରାଜୀବ ପ୍ରତାପ ରୁଡି, ମଙ୍ଗଲ ପାଣ୍ଡେ ଏବଂ ଜେଡିୟୁର ବିଜୟ କୁମାର ମାଂଝୀ ମଧ୍ୟ କରୋନା ସଂକ୍ରମିତ ହୋଇଛନ୍ତି। ଯଦି ଆପଣ ଏହି ଆକଳନକୁ ଦେଖନ୍ତି, ବିହାରରେ ୭ଜଣ ଏନଡିଏ ନେତା କରୋନା ସଂକ୍ରମିତ ହୋଇଛନ୍ତି।

ଫଡନାଭିସଙ୍କର କିଛି ଦିନ ପୂର୍ବରୁ ବିହାର ବିଧାନସଭା ନିର୍ବାଚନରେ ସାରନ ସାଂସଦ ରାଜୀବ ପ୍ରତାପ ଏବଂ ବିଜେପିର ତାରକା ପ୍ରଚାରକ ଶାହନାୱାଜ ହୁସେନ ମଧ୍ୟ କୋଭିଡ -୧୯ ସଂକ୍ରମିତ ହୋଇଥିବା ଜଣାପଡିଥିଲା । ସୂଚନା ଥାଉ କି ଅକ୍ଟୋବର ୨୮, ନଭେମ୍ବର ୩ ଏବଂ ନଭେମ୍ବର ୭ ରେ ବିହାର ବିଧାନସଭା ନିର୍ବାଚନ ପାଇଁ ଭୋଟଗ୍ରହଣ କରାଯିବ | ଭୋଟ୍ ଗଣନା ୧୦ ନଭେମ୍ବରରେ ହେବ |