ଦେଶରେ ୫୭ ପ୍ରତିଶତ ଡାକ୍ତର ନକଲି ! ଏଭଳି ସାଙ୍ଘାତିକ ତଥ୍ୟକୁ ସ୍ବୀକାର କଲେ ସରକାର
ନୂଆଦିଲ୍ଲୀ: ଦେଶରେ ଏଲୋପାଥି ଚିକିତ୍ସା କରୁଥିବା ବହୁ ସଂଖ୍ୟକ ଡାକ୍ତର ନକଲି | କିଛି ଏଭଳି ସାଙ୍ଘାତିକ ତଥ୍ୟକୁ ସମର୍ଥନ କରିଛନ୍ତି ସରକାର | ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ୨୦୧୬ରେ ପ୍ରକାଶିତ ରିପୋର୍ଟରେ କୁହାଯାଇଥିଲା ଯେ ଭାରତରେ କାମ କରୁଥିବା ଏଲୋପାଥି ଡାକ୍ତରଙ୍କ ମଧ୍ୟରୁ ୫୭.୩ ପ୍ରତିଶତ ନକଲି ହୋଇଥିବା ବେଳେ ସେମାନଙ୍କ ପାଖରେ କୌଣସି ସମ୍ବନ୍ଧିତ ଡିଗ୍ରି ନାହିଁ | କିନ୍ତୁ ଏହାକୁ ତତ୍କାଳୀନ ସ୍ୱାସ୍ଥ୍ୟମନ୍ତ୍ରୀ ଜେପି ନଡ୍ଡା ଅସ୍ବୀକାର କରିଥିଲେ | କିନ୍ତୁ ବର୍ତ୍ତମାନ ଏହି ତଥ୍ୟକୁ ସମର୍ଥନ କରିଛି ସ୍ୱାସ୍ଥ୍ୟ ମନ୍ତ୍ରାଳୟ | ପିଆଇବି ମାଧ୍ୟମରେ ଗତ ୬ ତାରିଖରେ ଏହି ତଥ୍ୟ ପ୍ରକାଶ କରିଛି ମନ୍ତ୍ରାଳୟ।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟରେ କୁହାଯାଇଛି ଯେ ଭାରତରେ ୫୭.୩ ଡାକ୍ତରଙ୍କ ପାଖରେ କୌଣସି ଶିକ୍ଷାଗତ ଯୋଗ୍ୟତା ନାହିଁ | ୨୦୦୧ ଜନଗଣନା ଅନୁସାରେ ସ୍ୱାସ୍ଥ୍ୟ ମନ୍ତ୍ରାଳୟ କହିଛି ଯେ ଗ୍ରାମୀଣ ଅଞ୍ଚଳରେ ୨୦ ପ୍ରତିଶତ ଡାକ୍ତର ବିନ ଡିଗ୍ରିରେ ରୋଗୀଙ୍କର ଚିକିତ୍ସା କରୁଛନ୍ତି | ସେହିପରି ୩୧ ପ୍ରତିଶତ ଡାକ୍ତରୀ ଚିକିତ୍ସା ଯୋଗାଉଥିବା ବ୍ୟକ୍ତି କେବଳ ଦ୍ୱାଦଶ ଯାଏଁ ପାଠ ପଢ଼ିଛନ୍ତି |
ସ୍ୱାସ୍ଥ୍ୟ ମନ୍ତ୍ରାଳୟ କହିଛି ଯେ ଗ୍ରାମ ଓ ସହରରେ ଡାକ୍ତରଙ୍କୁ ନେଇ ଅସାମଞ୍ଜସ୍ୟ ସ୍ଥିତି ରହିଛି | ସେହିପରି ନକଲି ଡାକ୍ତର ମଧ୍ୟ ବହୁ ସଂଖ୍ୟାରେ ସକ୍ରିୟ ରହିଛନ୍ତି |