ସୋସିଆଲ ମିଡିଆରେ ମିଛ ଖବର ପ୍ରଚାର ରୋକିବା ପାଇଁ ସ୍ୱତନ୍ତ୍ର ଗାଇଡ୍ଲାଇନ୍ ତିଆରି କରିବାକୁ ସୁପ୍ରିମ୍ କୋର୍ଟରେ ପୁର୍ନବିଚାର ଆବେଦନ
ନୂଆଦିଲ୍ଲୀ : ସୋସିଆଲ ମିଡିଆରେ ମିଛ ଖବରର ପ୍ରଚାର ପ୍ରସାର କରାଯାଉଥିବା ଦେଖା ଯାଉଛି । ଏହାକୁ ରୋକିବା ପାଇଁ ସୁପ୍ରିମ୍ କୋର୍ଟରେ ପୁର୍ନବିଚାର ଆବେଦନ କରିଛନ୍ତି ଓକିଲ ଅନୁଜା କପୁର । ପୂର୍ବରୁ ସେ ଏ ନେଇ ଆବେଦନ କରିଥିଲେ ମଧ୍ୟ ତାଙ୍କ ଆବେଦନକୁ ଖାରଜ କରି ଦିଆ ଯାଇଥିଲା । ଯାହା ପାଇଁ ସେ ପୁଣି ଥରେ ଏହି ମାମଲାର ପୁର୍ନବିଚାର ନେଇ ଆବେଦନ କରିଥିବା ଜଣା ପଡ଼ିଛି । ସୋସିଆଲ ମିଡିଆରେ ମିଛ ଖବରକୁ ରୋକିବା ପାଇଁ କେନ୍ଦ୍ର ସରକାର କଡ଼ା ନିୟମ ତିଆରି କରନ୍ତୁ । ସୁପ୍ରିମ କୋର୍ଟ ଏ ନେଇ ଏକ ଗାଇଡ୍ଲାଇନ୍ ତିଆରି କରିବା ପାଇଁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଉ ବୋଲି କହି ଅନୁଜା ଆବେଦନ କରିଥିଲେ । ମାର୍ଚ୍ଚ ୨ରେ ସେ ଆବେଦନ କରିଥିଲେ ମଧ୍ୟ ଏପ୍ରିଲ ୮ରେ ଆବେଦନକୁ ଖାରଜ କରି ଦିଆ ଯାଇଥିଲା । ଯାହା ପରେ ଅନୁଜା ଏବେ ପୁଣି ଥରେ ନିଜ ଆବେଦନ ଉପରେ ପୁର୍ନବିଚାର କରାଯାଉ ବୋଲି ସୁପ୍ରିମ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ଏହା ସହ ତାଙ୍କୁ ମୌଖିକ ଶୁଣାଣି ପାଇଁ ଅନୁମତି ଦିଆଯାଉ ବୋଲି ସେ ସୁପ୍ରିମ କୋର୍ଟକୁ ଅନୁମତି ମାଗିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସୋସିଆଲ ମିଡିଆରେ ମିଛ ଖବରର ପ୍ରଚାର ପ୍ରସାରକୁ ରୋକିବା ନେଇ କେନ୍ଦ୍ରକୁ ଗାଇଡ୍ଲାଇନ୍ ମାଗିବାକୁ ସୁପ୍ରିମ କୋର୍ଟର ଦ୍ୱାରସ୍ଥ ହୋଇଥିଲେ ଅନୁଜା । ମିଛ ଖବର ସାମଜ ପାଇଁ ବଡ଼ ସଙ୍କଟ । ଯାହାକୁ ରୋକାଯିବା ଦରକାର । ସୁପ୍ରିମ କୋର୍ଟକୁ ଏ ନେଇ ଖୁବ୍ ଶୀଘ୍ର ଗାଇଡ୍ଲାଇନ୍ ତିଆରି କରିବାର ଆବଶ୍ୟକତା ରହିଛି ବୋଲି କହି ପିଟିସନ ଦାୟର କରିଥିଲେ । ଯାହା ପରେ ଏହି ବିଷୟ ଉପରେ ଶୁଣାଣି କରି ମୁଖ୍ୟ ବିଚାରପତି ରଞ୍ଜନ ଗୋଗଇ କହିଥିଲେ, ଅନୁଜା ବ୍ୟକ୍ତିଗତ ଭାବରେ ଏଭଳି ଅଭିଯୋଗ କରିଛନ୍ତି । ଯାହାକୁ ନେଇ ଆମେ କୌଣସି ଶୁଣାଣି କରିବାକୁ ଚାହୁଁ ନାହୁଁ । ସେଥିପାଇଁ ଏହି ଆବେଦନକୁ ଖାରିଜ କରି ଦିଆଯାଉଛି ।