ଅସଲି ପୁଲିସ ହାତରେ ଧରାପଡ଼ିଲେ ନକଲି ପୁଲିସ ଅଫିସର
ଜୟପୁର: ରାଜସ୍ଥାନର ଜୟପୁରରେ ଜଣେ ନକଲି ପୁଲିସ ଅଫିସରକୁ ଗିରଫ କରାଯାଇଛି | ଏହି ଯୁବକଙ୍କ ନାମ ଅଭୟ ମିନା ହୋଇଥିବାବେଳେ ଦ୍ୱାଦଶ ପରୀକ୍ଷାରେ ସେ ଫେଲ ହୋଇ ଧୂର୍ତ୍ତ ପାଲଟିଯାଇଥିଲେ | ନିଜକୁ ଆଇପିଏସ ଅଫିସର କହି ଛାତ୍ରଛାତ୍ରୀଙ୍କୁ କିଭଳି ପୁଲିସ ଅଫିସର ହୋଇପାରିବେ ସେ ନେଇ ପରାମର୍ଶ ଦେଉଥିଲେ |
Sambad is now on WhatsApp
Join and get latest news updates delivered to you via WhatsApp
ବଡ କଥା ହେଉଛି ପୋଲିସ ବିଭାଗର କିଛି ବରିଷ୍ଠ ଅଧିକାରୀ ଏହି ଠକକୁ ସମ୍ମାନିତ କରିବା ସହ ସଲାମ ବି କରୁଥିଲେ | ଏହି ଯୁବକ ଜଣକ ଅନେକ ଛାତ୍ରଛାତ୍ରୀଙ୍କୁ କିଭଳି ପ୍ରବେଶିକା ପରୀକ୍ଷାରେ ଭଲ ମାର୍କ ଆଣିବା ସହ ପ୍ରତିବନ୍ଧକକୁ କିଭଳି ପାର କରିହେବ ସେ ବାବଦରେ ବୁଝାଉଥିଲା | ସୋସିଆଲ ମିଡିଆରେ ମଧ୍ୟ ଏହି ଠକର ଅନେକ ପ୍ରେରଣାଦାୟୀ ଭିଡିଓକୁ ଲୋକ ଦେଖୁଥିଲେ | ନକଲି ଆଇପିଏସ ଅଫିସରକୁ ଜଗତପୁରାର ଏକ ଆପାର୍ଟମେଣ୍ଟରୁ ଏସଓଜି ଗିରଫ କରିଛି |
କମ ବୟସରେ ବି ଆଇପିଏସ ଅଫିସର ହୋଇହେବ ଏହା କହିବା ସହ ନିଜ କାରରେ ଭାରତ ସରକାର ଲେଖି ସାରା ରାଜ୍ୟରେ ବୁଲୁଥିଲା | ଏହି ଠକ ପାଖରୁ ପୋଲିସ, ଆଇପିଏସର ୟୁନିଫର୍ମ, ନକଲି ପରିଚୟପତ୍ର, ୱେୟାରଲେସ ସହ ତିନିଟି ଏୟାର ଗନ ଜବତ କରିଛି | ସେହିପରି ଏହି ନକଲି ଅଫିସର ଉତ୍ତରାଖଣ୍ଡର ଜଣେ ଯୁବତୀଙ୍କ ସହ ଏକ ଦାମୀ ହୋଟେଲରେ ମାଗଣାରେ ରହୁଥିଲା | ତେବେ ଏହି ଯୁବକଙ୍କର ନକଲି ପରିଚୟ ପତ୍ରରୁ ତା ବାବଦରେ ଜଣେ ବ୍ୟକ୍ତି ପୋଲିସକୁ ଖବର ଦେଇଥିଲେ |