ଜାଲ କାଗଜପତ୍ର ଦେଇ ଦେଢ ବର୍ଷ ହେଲା ଟ୍ରେନ୍ ଚଳାଉଥିଲେ ଯୁବକ, ସତ ସାମ୍ନାକୁ ଆସିବା ପରେ କରାଗଲା ବରଖାସ୍ତ
ନୂଆଦିଲ୍ଲୀ : ପୂର୍ବରୁ ଅନେକ ଘଟଣା ଘଟିଛି । ଯେଉଁଠି ଲୋକମାନେ ଜାଲ କାଗଜପତ୍ର ଦେଇ ଚାକିରି କରିଥିବା ଖବର ସାମ୍ନାକୁ ଆସିଛି । ଏବେ ପୁଣି ସେଭଳି ଏକ ଘଟଣା ଘଟିଛି ଧାନବାଦ୍ରେ । ଧାନ୍ବାଦ୍ ରେଳ ମଣ୍ଡଳରେ କାର୍ଯ୍ୟରତ ଥିବା ଜଣେ ସହାୟକ ଲୋକୋ ପାଇଲଟ୍ ଦେଢ଼ ବର୍ଷ ହେବ ଜାଲ କାଗଜପତ୍ର ନେଇ ଚାକିରି କରି ଆସୁଥିବା ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏବେ ସବୁ ସତ ସାମ୍ନାକୁ ଆସିବା ପରେ ଲୋକୋପାଇଲଟ୍ ମନୁ ମହାରାଜଙ୍କୁ କାର୍ଯ୍ୟରୁ ବହିଷ୍କାର କରାଯାଇଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମୁଜାଫରପୁରରେ ମନୁ ସହାୟକ ରେଳ ଚାଳକ ଭର୍ତ୍ତି ପରୀକ୍ଷା ଦେଇ ସହାୟକ ଚାଳକ ଭାବେ କାମ କରିବା ଆରମ୍ଭ କରିଥିଲେ । ପ୍ରଥମେ ସେ ଧାନ୍ବାଦ୍ ରେଳ ବୋର୍ଡ଼ ଅଧିନରେ କାମ କଲେ । ଏହି ପରି ଭାବରେ ଦେଢ଼ ବର୍ଷ ଚାଲିଗଲା । କିନ୍ତୁ ଦେଢ଼ ବର୍ଷ ପରେ ଭିଜିଲାନ୍ସକୁ ଏକ ଅଭିଯୋଗ ମିଳିଥିଲା । ଯେଉଁଥିରେ ମନୁ ଆର୍ଆର୍ବି ପରୀକ୍ଷା ଦେଇ ନ ଥିବା ଅଭିଯୋଗ କରାଯାଇଥିଲା । ଯାହା ପରେ କଡ଼ା ତଦନ୍ତ ଆରମ୍ଭ କରାଯାଇଥିଲା । ତଦନ୍ତ ପରେ ମନୁ ବିନା ପରୀକ୍ଷାରେ ଚାକିରି ପାଇଥିବା ସାମ୍ନାକୁ ଆସିଥିଲା । ସବୁ ସତ ସାମ୍ନାକୁ ଆସିବା ପରେ ମନୁଙ୍କୁ ଏବେ ପୁଲିସ ଗିରଫ କରିଥିବା ଜଣାପଡ଼ିଛି ।