୪ ଦୁଷ୍କର୍ମ ଅଭିଯୁକ୍ତଙ୍କ ମୃତଦେହ ନେବାକୁ ମନାକଲେ ସଂପର୍କୀୟ, ଅନ୍ତିମ ସଂସ୍କାର କରିପାରେ ପୁଲିସ
ହାଇଦ୍ରାବାଦ: ଆଜି ହାଇଦ୍ରାବାଦ ପୁଲିସ ଡାକ୍ତରାଣୀଙ୍କୁ ଦୁଷ୍କର୍ମ କରିଥିବା ୪ ଅଭିଯୁକ୍ତଙ୍କୁ ଏନକାଉଣ୍ଟର କରିଛି । ତେବେ ଯେଉଁଠାରେ ସେମାନେ ପୀଡିତାଙ୍କୁ ଦୁଷ୍କର୍ମ କରି ହତ୍ୟା କରିଥିଲେ ଠିକ୍ ସେହି ସ୍ଥାନରେ ହିଁ ପୁଲିସ ଗୁଳିରେ ଅଭିଯୁକ୍ତ ଆରିଫ୍, ନବୀନ, ଶିବା ଓ ଚେନାକେଶବୁଲୁର ଜୀବନ ଯାଇଛି। ଆଉ ହାଇଦ୍ରାବାଦ ପୁଲିସର ଏଭଳି କାର୍ଯ୍ୟକୁ ମିଳୁଛି ସାବାସୀ । ସେପଟେ, ୪ ଅଭିଯୁକ୍ତଙ୍କ ମୃତଦେହକୁ ସେମାନଙ୍କର ପରିବାର ଲୋକେ ନେବାକୁ ମନା କରିଦେଇଛନ୍ତି। ତେଲେଙ୍ଗାନା ପୁଲିସ ସେମାନଙ୍କର ଅନ୍ତିମ ସଂସ୍କାର କରିପାରେ ବୋଲି ଖବର ମିଳିଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ତଦନ୍ତ ପାଇଁ ଅଭିଯୁକ୍ତଙ୍କୁ ଘଟଣାସ୍ଥଳକୁ ନେଇଥିଲା ପୁଲିସ । ସେହି ସମୟରେ ଅଭିଯୁକ୍ତମାନେ ପୁଲିସ କବଳରୁ ଖସି ପଳାଇବାକୁ ଉଦ୍ୟମ କରିଥିଲେ । ପୁଲିସ ସେମାନଙ୍କୁ ଧରିବା ପାଇଁ ଚେଷ୍ଟା କରୁଥିବା ବେଳେ ଦୁଷ୍କର୍ମକାରୀମାନେ ପୁଲିସ ଉପରକୁ ପଥର ମାଡ କରିଥିଲେ । ତେଣୁ ବାଧ୍ୟ ହୋଇ ଚେତନାପାଲୀର ଓଭରବ୍ରିଜ ପାଖରେ ପୁଲିସ ସେମାନଙ୍କୁ ଏନକାଉଣ୍ଟର କରିଛି । ଶୁକ୍ରବାର ଅଭିଯୁକ୍ତଙ୍କ ମୃତ୍ୟୁ ନେଇ ଏକ ସାମ୍ବାଦିକ ସମ୍ମିଳନୀ କରି ସ୍ପଷ୍ଟ କରିଛନ୍ତି ତେଲେଙ୍ଗାନା ପୁଲିସ କମିଶନର।
ଉଲ୍ଲେଖଯୋଗ୍ୟ, ଗତ ସପ୍ତାହରେ ଡାକ୍ତରାଣୀ ଘରକୁ ଫେରୁଥିବା ବେଳେ ତାଙ୍କୁ ଯୋଜନବଦ୍ଧ ଭାବେ ଅଭିଯୁକ୍ତମାନେ ଗଣଦୁଷ୍କର୍ମ କରିଥିଲେ । ଦୁଷ୍କର୍ମକାରୀ ଡାକ୍ତରାଣୀଙ୍କୁ ଜୋରଜବରଦସ୍ତ ମଦ ପିଆଇ ତାଙ୍କ ସହ ଦୁଷ୍କର୍ମ କରିବା ପରେ ଏକ ଟ୍ରକରେ ନେଇ ଅନ୍ୟଏକ ସ୍ଥାନରେ ପୋଡି ଦେଇଥିଲେ।