ମୁମ୍ବାଇ: ବଲିଉଡ଼ ଅଭିନେତା ଅକ୍ଷୟ କୁମାରଙ୍କୁ ଭେଟିବା ଲାଗି ତାଙ୍କର ଜଣେ ପ୍ରଶଂସକ ୯୦୦ କିମିରୁ ଅଧିକ ବାଟ ପାଦରେ ଚାଲିଛନ୍ତି। ଶେଷରେ ଆଜି ସେ ଅକ୍ଷୟ କୁମାରଙ୍କୁ ଭେଟିବାରେ ସଫଳ ହୋଇଛନ୍ତି। ଗୁଜରାଟର ଦ୍ବାରକାରୁ ଆସିଥିବା ପ୍ରଶଂସକଙ୍କ ନାମ ପର୍‌ବାତ୍। ଦ୍ବାରକାରୁ ମୁମ୍ବାଇ ଚାଲିଚାଲି ଆସିବା ଲାଗି ତାଙ୍କୁ ୧୮ ଦିନ ସମୟ ଲାଗିଛି। ପର୍‌ବାତ୍‌ଙ୍କ ସହିତ ଭେଟିବାର ଭିଡିଓକୁ ଅକ୍ଷୟ କୁମାର ସୋସିଆଲ ମିଡିଆରେ ସେୟାର କରିଛନ୍ତି। ପର୍‌ବାତ୍ ସହିତ ଉଠାଇଥିବା ଫଟୋକୁ ସେୟାର କରି ଅକ୍ଷୟ କୁମାର ତାଙ୍କ ପ୍ରଶଂସକମାନଙ୍କ ଉଦ୍ଦେଶ୍ୟରେ ଲେଖିଛନ୍ତି, ଆପଣମାନଙ୍କୁ ଭେଟି ମୁଁ ମହାନ୍‌। କିନ୍ତୁ ଏଭଳି ନକରିବା ପାଇଁ ସେ ପରାମର୍ଶ ଦେଇଛନ୍ତି। ସେ କହିଛନ୍ତି ନିଜର ସମୟ, ଶକ୍ତି ଏବଂ ସମ୍ବଳକୁ ନିଜ ଜୀବନର ଉନ୍ନତି ପାଇଁ ବିନିଯୋଗ କରନ୍ତୁ। ଏହା ହିଁ ‌ମୋତେ ଆନନ୍ଦ ଦେବ ବୋଲି ଅକ୍ଷୟ କୁମାର କହିଛନ୍ତି।