ଚେନ୍ନାଇ: ନବ ବିବାହିତ ଦମ୍ପତିଙ୍କୁ ଆଶୀର୍ବାଦ ଦେବା ପରିବର୍ତ୍ତେ ଜଣେ ଶ୍ୱଶୁର ତାଙ୍କ ଝିଅ ଏବଂ ଜ୍ବାଇଁଙ୍କୁ ହତ୍ୟା କରିଛନ୍ତି | ତେବେ କଥା ଏତିକିରେ ସରିନାହିଁ, ବରଂ ଏହା ପରେ ସେ ପୁଲିସ ଷ୍ଟେସନରେ ପହଞ୍ଚି ନିଜର ଅପରାଧ ସ୍ୱୀକାର କରି ଆତ୍ମସମର୍ପଣ କରିଥିଲେ। ତାଙ୍କ କଥା ଶୁଣି ପୁଲିସ୍ କର୍ମଚାରୀଙ୍କ ହୋସ ମଧ୍ୟ ଉଡିଯାଇଥିଲା | କୁହାଯାଉଛି ଯେ ଜ୍ୱାଇଁ ଜଣକ କମ ପାଠ ପଢ଼ିଥିବାରୁ ଶ୍ୱଶୁର ଜଣକ କ୍ରୋଧିତ ଥିଲେ | ଆଉ ଏହି କାରଣରୁ ସେ ଜ୍ୱାଇଁଙ୍କୁ ହତ୍ୟା କରିଥିଲେ | ଏହି ସମ୍ବେଦନଶୀଳ ଘଟଣା ତାମିଲନାଡୁର ତୁତିକୋରିନର ବୋଲି କୁହାଯାଉଛି। ପୁଲିସଠାରୁ ମିଳିଥିବା ସୂଚନା ଅନୁଯାୟୀ, ରେଖା(ଛଦ୍ମନାମ) ନାମକ ଯୁବତୀ ତାଙ୍କ ପ୍ରେମିକ ଯୁଗଳଙ୍କୁ ବିବାହ କରିବା ପାଇଁ ଘରୁ ଚାଲିଆସିଥିଲେ |
Sambad is now on WhatsApp
Join and get latest news updates delivered to you via WhatsApp
ଆଉ ରେଖା ଯିବା ପରେ ତାଙ୍କ ପରିବାର ପକ୍ଷରୁ ଏକ ନିଖୋଜ ଅଭିଯୋଗ ହୋଇଥିଲା। ଏହା ପରେ ଉଭୟ ରେଖା ଓ ଯୁଗଳ ମଦୁରାଇରେ ବିବାହ କରି ପୁଲିସ ସମ୍ମୁଖରେ ହାଜର ହୋଇ କହିଥିଲେ ଯେ ସେମାନେ ଉଭୟ ପ୍ରାପ୍ତବୟସ୍କ ହୋଇଥିବାବେଳେ ନିଜ ଇଚ୍ଛାରେ ବିବାହ କରିଛନ୍ତି। ଏହି ନବବିବାହିତ ଦମ୍ପତ୍ତି ରେଖାଙ୍କ ପିତାମାତାଙ୍କ ସହିତ ଭିଡିଓ କଲ୍ ରେ କଥା ହୋଇଥିଲେ | କିନ୍ତୁ ରେଖାଙ୍କ ବାପା ରାଗିଯାଇ ମନେ ମନେ ଏକ ଯୋଜନା ପ୍ରସ୍ତୁତ କରିଥିଲେ।
ପୁଲିସ ଅଧିକାରୀଙ୍କ କହିବାନୁସାରେ, ଏହି ଦମ୍ପତ୍ତିଙ୍କୁ ହତ୍ୟା କରିବା ପାଇଁ ରେଖାଙ୍କ ବାପା ସେମାନଙ୍କ ଭଡା ଘରେ ପହଞ୍ଚିଥିଲେ | ଦୁହିଁଙ୍କୁ ହତ୍ୟା କରିବା ପରେ ରେଖାଙ୍କ ବାପା ପୁଲିସ ଷ୍ଟେସନରେ ପହଞ୍ଚି ନିଜର ଅପରାଧ ସ୍ୱୀକାର କରି ଆତ୍ମସମର୍ପଣ କରିଥିଲେ। ସୂଚନା ମୁତାବକ ଯୁବତୀ ଜଣକ କଲେଜରେ ପାଠ ପଢୁଥିବାବେଳେ ତାଙ୍କ ପ୍ରେମିକ ଦଶମ ପରେ ଆଉ ପଢିନଥିଲେ | ଆଉ ଏହି କଥାକୁ ନେଇ ଶ୍ୱଶୁର ଉଭୟ ଝିଅ ଓ ଜ୍ୱାଇଁଙ୍କୁ ହତ୍ୟା କରିଥିଲେ |