କରୋନାର ସିଂଗାପୁର ଭାରିଆଣ୍ଟ ପିଲାମାନଙ୍କୁ ଆକ୍ରାନ୍ତ କରୁଛି, ବିମାନ ସେବା ବନ୍ଦ ପାଇଁ ଦାବି କଲେ କେଜ୍ରିଓ୍ବାଲ
ନୂଆଦିଲ୍ଲୀ : ଦେଶରେ ଏବେ କରୋନାର ୨ୟ ଲହର ଆତଙ୍କ ଖେଳାଇଥିବାବେଳେ ୩ୟ ଲହର ଆଶଙ୍କା ପ୍ରକାଶ ପାଇଛି । ବିଶେଷକରି ସିଂଗାପୁରରେ ଦେଖାଯ଼ାଇଥିବା କରୋନା ଭୁତାଣୁର ଏକ ନୂଆ ପ୍ରକାର ଶିଶୁମାନଙ୍କୁ ଅଧିକ ଆକ୍ରାନ୍ତ କରୁଥିବାରୁ ତାହାକୁ ନେଇ ଚିନ୍ତା ପ୍ରକାଶ ପାଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ କହିଛନ୍ତି ଯ଼େ କେନ୍ଦ୍ର ସରକାର ସିଂଗାପୁର ଭାରିଆଣ୍ଟକୁ ଏକ ସତର୍କ ଘଣ୍ଟିଭାବରେ ନେଇ ଜରୁରୀକାଳୀନ ପଦକ୍ଷେପ ନେବା ଆବଶ୍ୟକ । ଏହି ଭାଇଆଣ୍ଟ ଦେଶରେ ୩ୟ ଲହର ଆଣିପାରେ । ଏଣୁ ସରକାର ତୁରନ୍ତ ସିଂଗାପୁରକୁ ବିମାନ ସେବା ବନ୍ଦ କରନ୍ତୁ । ସେହିପରି ଶିଶୁମାନଙ୍କୁ କିପରି ଟିକା ଦିଆଯ଼ାଇପାରିବ ସେ ବିକଳ୍ପ ଉପରେ ବିଚାର ଆରମ୍ଭ କରନ୍ତୁ ।
ପୂର୍ବରୁ ବିଶେଷଜ୍ଞମାନେ ଦେଶରେ ୩ୟ ଲହର ପାଇଁ ସରକାରଙ୍କୁ ସତର୍କ କରାଇଦେଇଛନ୍ତି । ପ୍ରଥମ ଲହରରେ ବୟସ୍କ ବ୍ୟକ୍ତି ଆକ୍ରାନ୍ତ ହେଉଥିବାବେଳେ ୨ୟ ଲହରରେ ଯ଼ୁବଗୋଷ୍ଠୀ ଆକ୍ରାନ୍ତ ହୋଉଛନ୍ତି । ସେହିପରି ୩ୟ ଲହରରେ ପିଲାମାନେ ଆକ୍ରାନ୍ତ ହେବାର ଆଶଙ୍କା ସୃଷ୍ଟି ହୋଇଛି । ଏହାକୁ ଦୃଷ୍ଟିରେ ରଖି କେତେକ ଟିକା କମ୍ପାନି ପିଲାମାନଙ୍କ ଟିକା ଉପରେ ଗବେଷଣା ଓ ପରୀକ୍ଷଣ ଆରମ୍ଭ କରିଦେଇଛନ୍ତି ।
ସିଂଗାପୁରରେ ଏହି ନୂଆ ଭାରିଆଣ୍ଟ ପିଲାମାନଙ୍କୁ ଅଧିକ ଆକ୍ରାନ୍ତ କରିବା ପରେ ସେଠାକାର ସରକାର ସ୍କୁଲଗୁ଼ଡିକୁ ବନ୍ଦ କରିଦେଇଛନ୍ତି ।