ଭାରତୀୟ ମହିଳାଙ୍କୁ ମିଳିଲା ବାର୍ଷିକ ଦେଢ଼ କୋଟି ଟଙ୍କାର ଚାକିରି
ନୂଆଦିଲ୍ଲୀ: ଭାରତୀୟ ମହିଳାଙ୍କୁ ମିଳିଲା ବାର୍ଷିକ ଦେଢ଼ କୋଟି ଟଙ୍କାର ଚାକିରି । ଆଉ ଏଭଳି ଦାମିକିଆ ଚାକିରି ଅଫର କରିଛି ବିଶ୍ୱର ସବୁଠାରୁ ବଡ଼ ସୋସିଆଲ ମିଡିଆ ସଂସ୍ଥା ଫେସବୁକ୍। ନୂଆଦିଲ୍ଲୀର ଇନ୍ଦ୍ରପ୍ରସ୍ଥସ୍ଥିତ ଟ୍ରିପଲ୍ ଆଇଟି ଦିଲ୍ଲୀରେ ପ୍ରଥମ ଥର ଜଣେ ଇଂଜିନିୟର ଛାତ୍ରୀଙ୍କୁ ମିଳିଛି ଦେଢ଼ କୋଟି ଟଙ୍କାର ଚାକିରି ଅଫର ମିଳିଛି । ଛାତ୍ରୀ ଜଣଙ୍କ ଏହି ଇନଷ୍ଟିଚ୍ୟୁଟରେ କମ୍ପ୍ୟୁଟର ସାଇନ୍ସ ବିଷୟରେ ଅଧ୍ୟୟନ କରିଛନ୍ତି । ତାଙ୍କୁ ଫେସବୁକ ୧.୪୫ କୋଟି ଟଙ୍କାର ବାର୍ଷିକ ପ୍ୟାକେଜ ଅଫର କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ମୁତାବକ, ଏହି ଇନଷ୍ଟଟିଚ୍ୟୁଟ୍ ଛାତ୍ରଛାତ୍ରୀଙ୍କୁ ଚଳିତ ବର୍ଷର କ୍ୟାମ୍ପସ ସିଲେକ୍ସନରେ ମୋଟ୍ ୫୬୨ଟି ଅଫର ମିଳିଥିଲା । ସେଥି ମଧ୍ୟରୁ ୩୧୦ଟି ଫୁଲ ଟାଇମ୍ ଏବଂ ୨୫୨ଟି ଇଂଟର୍ଣ୍ଣଶିପ୍ ସାମିଲ ହୋଇଛନ୍ତି । ତେବେ କୌଣସି ଛାତ୍ରୀଙ୍କୁ ଚାକିରିର ଏଭଳି ଏକ ବଡ ଅଫର ମିଳିବା ଦିଲ୍ଲୀ ଟ୍ରିପଲ୍ ଆଇଟି ଇତିହାସରେ ପ୍ରଥମ ବୋଲି ଜଣାପଡ଼ିଛି । ସବୁଠାରୁ ବଡ଼କଥା ହେଲା, ଚଳିତଥର ୨୦୨୦ ଶିକ୍ଷାବର୍ଷରେ ଇନଷ୍ଟିଚ୍ୟୁଟକୁ ବିଭିନ୍ନ କମ୍ପାନୀ ତରଫରୁ ୩୧୦ଟି ଚାକିରି ଏବଂ ୨୫୨ଟି ଇଣ୍ଟର୍ନସିପ୍ ଅଫର ମିଳିଛି ।
ଅନ୍ୟପଟେ ଦିଲ୍ଲୀ ଟ୍ରିପଲ୍ ଆଇଟିରେ ଛାତ୍ରଛାତ୍ରୀଙ୍କୁ ବର୍ତ୍ତମାନ ସୁଦ୍ଧା ପ୍ରାୟ ୧୬.୩୩ ଲକ୍ଷ ଏବଂ ୧୪.୮୫ଲକ୍ଷ ଟଙ୍କା ମିଳିିଛି । ଏଥିରେ ଉଭୟ ୟୁଜି ଏବଂ ପିଜି ଶିକ୍ଷା ବ୍ୟବସ୍ଥାକୁ ସାମିଲ କରାଯାଇଛି । ରିପୋର୍ଟ ମୁତାବକ, କ୍ୟାମ୍ପସ ପ୍ଲେସମେଣ୍ଟ୍ ଡ୍ରାଇଭ୍ ପାଇଁ ବଡ ବଡ କମ୍ପାନୀ ସେଠାରେ ପହଞ୍ଚିଥିଲେ । ଯାହା ମଧ୍ୟରେ ଗୁଗଲ, ମାଇକ୍ରୋସଫ୍ଟ, ଆମାଜନ, ଫେସବୁକ, ସ୍ୟାମସଙ୍ଗ, ରିଲାଏନ୍ସ ଓ ଡବ୍ଲ୍ୟୁଡିସି ଭଳି ପ୍ରମୁଖ ଯୋଗ ଦେଇଥିଲେ ।