ନୂଆଦିଲ୍ଲୀ : ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ୨୦ ଲକ୍ଷ କୋଟିର ଆର୍ଥିକ ପ୍ୟାକେଜ ଘୋଷଣା କରିଛି । ଏହି ଅବସରରେ ଅନୁଷ୍ଠିତ ସାମ୍ବାଦିକ ସମ୍ମିଳନୀ ଅବସରରେ ସେ କହିଛନ୍ତି ଯେ ଏହି ପ୍ୟାକେଜର ଲକ୍ଷ୍ୟ ହେଉଛି ଏକ ଆତ୍ମନିର୍ଭରଶୀଳ ଭାରତ ଗଠନ କରିବା ।
Sambad is now on WhatsApp
Join and get latest news updates delivered to you via WhatsApp
ତେବେ ଏହାର ଅର୍ଥ ନୁହେଁ ଯେ ଭାରତ ବିଶ୍ୱରେ ଏକ ଏକୁଟିଆ ଦେଶ ହେବାକୁ ଚାହୁଁଛି, ଏହାର ଅର୍ଥ ହେଉଛି ଏକ ସ୍ୱାବଲମ୍ବୀ ଭାରତ ।
ମୋଦୀଙ୍କ ଘୋଷଣା ଅନୁସାରେ ପ୍ରତିଦିନ ଗୋଟିଏ ଗୋଟିଏ କ୍ଷେତ୍ର ପାଇଁ ପ୍ୟାକେଜ ଘୋଷଣା କରାଯିବ ।
ଏହି ପ୍ୟାକେଜରେ ଲାଣ୍ଡ (ଭୂମି),ଲେବର(ଶ୍ରମ), ଲିକ୍ୱିଡିଟି( ନଗଦ ଅର୍ଥ) ଓ ଲ (ଆଇନ) କ୍ଷେତ୍ରରେ ସଂସ୍କାର ଆଣିବା ଉପରେ ଗୁରୁତ୍ୱ ଦିଆଯାଇଛି ବୋଲି ସେ କହିଛନ୍ତି । ଆଜିର ଘୋଷଣା ମଧ୍ୟରେ ରହିଛି।
-ଦେଶୀ ବ୍ରାଣ୍ଡମାନଙ୍କୁ ବିଶ୍ବରେ ପରିଚିତ କରାଇବା ଉପରେ ଗୁରୁତ୍ବ । ଦେଶରେ କେହି ଭୋକିଲା ନ ରହୁ ଏହା ସରକାରଙ୍କ ଲକ୍ଷ୍ୟ I ପ୍ୟାକେଜ୍ ଘୋଷଣା ପୂର୍ବରୁ ଦୀର୍ଘ ସମୟ ଧରି ଚର୍ଚ୍ଚା କରିଛନ୍ତି ପ୍ରଧାନମନ୍ତ୍ରୀ।
-ଏମଏସଏମଇକୁ ବିସ୍ତାର କରିବା ପାଇଁ ୫୦ ହଜାର କୋଟି। ଏମଏସଏମଇ ପାଇଁ ୧୦ ହଜାର କୋଟିର ‘ଫଣ୍ଡସ୍ ଅଫ୍ ଫଣ୍ଡ’। ଏହି ପଦକ୍ଷେପରୁ ୪୫ ଲକ୍ଷ ଏମଏସଏମଇକୁ ଲାଭ ମିଳିବ। ସଙ୍କଟରେ ଥିବା ଏମଏସଏମଇକୁ ୨୦ ହଜାର କୋଟି I
-ଏମଏସଏମଇକୁ ୩ ଲକ୍ଷ କୋଟିର ବିନା ଗ୍ୟାରେଣ୍ଟିରେ ଋଣ I ଏମଏସଏମଇକୁ ଏକ ବର୍ଷ ଯାଏଁ କିସ୍ତି ଦେବାରୁ ରିହାତି।
-କ୍ଷୁଦ୍ର, ମଧ୍ୟମ ଓ କୁଟୀର ଶିଳ୍ପ, ୨୫ କୋଟିର ବକେୟା ଥିବା ଶିଳ୍ପ ବି ଋଣ ନେଇ ପାରିବେ I ବାର୍ଷିକ ୧୦୦ କୋଟି ଟଙ୍କାର ଟର୍ଣ୍ଣ ଓଭର ଥିବା ସଂସ୍ଥା ନେଇପାରିବେ ଋଣ I
-ଆଗାମୀ ୩ ମାସ ଯାଏ ଘରୋଇ କମ୍ପାନି କର୍ମଚାରୀଙ୍କ ଇପିଏଫ ଦେବେ ସରକାର। ଜୁନ, ଜୁଲାଇ ଓ ଅଗଷ୍ଟ ମାସର ଇପିଏଫ ରାଶି ସରକାର ବହନ କରିବେ। ୧୫ ହଜାରରୁ କମ ବେତନ ପାଉଥିବା କର୍ମଚାରୀଙ୍କୁ ଏହି ସୁବିଧା ମିଳିବ। ମୋଟ ୭୨ ଲକ୍ଷ ୨୨ ହଜାର କର୍ମଚାରୀଙ୍କୁ ଏହି ସୁବିଧା ମିଳିବ।