୧ ମେ’ରୁ ଗ୍ୟାସ୍ ସିଲିଣ୍ଡର ସହିତ ଏସବୁରେ ପରିବର୍ତ୍ତନ କ’ଣ ହେବ, ଜାଣନ୍ତୁ

ନୂଆଦିଲ୍ଲୀ: ଦେଶରେ ପ୍ରତି ମାସ ଆରମ୍ଭ ପୂର୍ବର ନିୟମରେ ଅନେକ ପରିବର୍ତ୍ତନ ହୋଇଥାଏ। ଏପ୍ରିଲ୍ ମାସ ଶେଷ ହେବା ପରେ, ବର୍ତ୍ତମାନ ମେ’ ମାସ ପାଇଁ ନୂତନ ନିୟମରେ ପରିବର୍ତ୍ତନ ମଧ୍ୟ ହେବାକୁ ପ୍ରସ୍ତୁତ। ମେ’ ମାସରେ ଅନେକ ଆର୍ଥିକ ନିୟମରେ ପରିବର୍ତ୍ତନ ହେବାକୁ ଯାଉଛି। ଏଭଳି ପରିସ୍ଥିତିରେ ସାଧାରଣ ଲୋକଙ୍କ ପକେଟ ଉପରେ ସିଧାସଳଖ ପ୍ରଭାବ ପଡିପାରେ। ପ୍ରତ୍ୟେକ ମାସ ଆରମ୍ଭ ପୂର୍ବରୁ, ଗ୍ୟାସ-ସିଲିଣ୍ଡର (ଏଲପିଜି), ପିଏନଜି ଏବଂ ସିଏନଜି ର ମୂଲ୍ୟ ସଂଶୋଧିତ ହୋଇଥାଏ।

ଏଲପିଜି ସିଲିଣ୍ଡରର ମୂଲ୍ୟ ତୈଳ ମାର୍କେଟିଂ କମ୍ପାନୀଗୁଡିକ ଦ୍ବାରା ପ୍ରତ୍ୟେକ ମାସର ଆରମ୍ଭରୁ ସଂଶୋଧିତ ହୋଇଥାଏ | ଏହା ପରେ କମ୍ପାନୀ ଦ୍ୱାରା ୧୪ କିଲୋଗ୍ରାମ ଘରୋଇ ସିଲିଣ୍ଡର ଏବଂ ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ସ୍ଥିର ହୋଇଥାଏ। ସେହିଭଳି, ମାସର ପ୍ରଥମ ଦିନରେ ଦେଶରେ ପିଏନଜି ଏବଂ ସିଏନଜି ର ମୂଲ୍ୟ ମଧ୍ୟ ଅପଡେଟ୍ କରାଯାଇଥାଏ।

ୟେସ୍ ବ୍ୟାଙ୍କ ୧ ମେ’ ୨୦୨୪ ରୁ ସଞ୍ଚୟ ଆକାଉଣ୍ଟ ସହିତ ଜଡିତ ନିୟମ ପରିବର୍ତ୍ତନ କରିବ। ଏହି ଘରୋଇ ବ୍ୟାଙ୍କର ଅଫିସିଆଲ୍ ସାଇଟ୍ ଅନୁଯାୟୀ ସର୍ବନିମ୍ନ ହାରାହାରି ବାଲାନ୍ସ ଚାର୍ଜ (ଏମଏବି) ରେ ପରିବର୍ତ୍ତନ ଆସିବ। ସେଭିଂ ଆକାଉଣ୍ଟ୍ ପ୍ରୋ ମ୍ୟାକ୍ସରେ ସର୍ବନିମ୍ନ ହାରାହାରି ବାଲାନ୍ସ ୫୦ ହଜାର ଟଙ୍କା ରହିବ ଏବଂ ଏହା ଉପରେ ସର୍ବାଧିକ ୧ ହଜାର ଟଙ୍କା ଆଦାୟ କରାଯିବ। ଯେତେବେଳେ କି, ସେଭିଂ ଆକାଉଣ୍ଟ୍ ପ୍ରୋ ପ୍ଲସ୍, ୟେସ ରେସପେକ୍ଟ ଏସଏ ଏବଂ ୟେସ ଇସେନ୍ସ ଏସଏ ରେ ସର୍ବନିମ୍ନ ବାଲାନ୍ସ ୨୫ ହଜାର ଟଙ୍କା ହେବ । ଏହା ଉପରେ ଚାର୍ଜ ପାଇଁ ସର୍ବାଧିକ ସୀମା ୭୫୦ ଟଙ୍କା ହେବ । ଏହି ନୂତନ ନିୟମ ଗ୍ରାହକଙ୍କ ପାଇଁ ୧ ମେ ୨୦୨୪ରୁ କାର୍ଯ୍ୟକାରୀ ହେବ।

ବରିଷ୍ଠ ନାଗରିକଙ୍କ ପାଇଁ ଏକ ସ୍ୱତନ୍ତ୍ର ଯୋଜନା ଏଚଡିଏଫସି ବ୍ୟାଙ୍କ ଦ୍ୱାରା ଆରମ୍ଭ କରାଯାଇଥିଲା। ଗ୍ରାହକମାନେ କେବଳ ୧୦ ମେ’ ୨୦୨୪ ପର୍ଯ୍ୟନ୍ତ ଏଚଡିଏଫସି ସିନିୟର ସିଟିଜେନ କେୟାର ଏଫଡିରେ ବିନିଯୋଗ କରିବେ । ବିଶେଷ ବୈଶିଷ୍ଟ୍ୟ ବିଷୟରେ କହିବାକୁ ଗଲେ ବ୍ୟାଙ୍କ ଏହି ଏଫଡି ଉପରେ ୦.୭୫ ପ୍ରତିଶତ ଅତିରିକ୍ତ ସୁଧ ହାରର ଲାଭ ଦେଇଥାଏ । ୫ କୋଟିରୁ କମ୍ ଫିକ୍ସଡ୍ ଜମା ୭.୭୫ ପ୍ରତିଶତ ସୁଧର ଲାଭ ପାଇଥାଏ ।

ଆଇସିଆଇସିଆଇ ବ୍ୟାଙ୍କ ମଧ୍ୟ ୧ ମେ’ ୨୦୨୪ ରୁ ସଞ୍ଚୟ ଆକାଉଣ୍ଟ ସହ ଜଡିତ ନିୟମ ପରିବର୍ତ୍ତନ କରିବ। ଡେବିଟ୍ କାର୍ଡରେ ବ୍ୟାଙ୍କ ଦ୍ୱାରା ବାର୍ଷିକ ଶୁଳ୍କ ୨୦୦ଟଙ୍କାକୁ ହ୍ରାସ କରାଯିବ। ଯେଉଁଠାରେ ଗ୍ରାମାଞ୍ଚଳରେ ଡେବିଟ୍ କାର୍ଡ ଉପରେ ଚାର୍ଜ ୯୯ ଟଙ୍କା ହେବ। ଏହା ବ୍ୟତୀତ ଚେକ୍ ବୁକ୍ ଏବଂ ଅନଲାଇନ୍ କାରବାରର ନିୟମରେ ମଧ୍ୟ ପରିବର୍ତ୍ତନ ଆସିବ।

୨୫ ପୃଷ୍ଠାର ଚେକ୍ ବୁକ‌ ପାଇଁ ବ୍ୟାଙ୍କ ଦ୍ୱାରା  କୌଣସି ଦେୟ ନିଆଯିବ ନାହିଁ। ତେବେ ଏହା ପରେ ଗ୍ରାହକମାନଙ୍କୁ ପ୍ରତ୍ୟେକ ପୃଷ୍ଠା  ପାଇଁ ୪ ଟଙ୍କା ଚାର୍ଜ ଦେବାକୁ ପଡିବ। ଯଦି ଗ୍ରାହକ ଆଇଏମପିଏସ ମାଧ୍ୟମରେ କାରବାର କରନ୍ତି, ତେବେ ତାଙ୍କୁ ପ୍ରତି କାରବାର ପାଇଁ ୨.୫୦ ରୁ ୧୫ ଟଙ୍କା ମଧ୍ୟରେ ଚାର୍ଜ ଦେବାକୁ ପଡିବ ।