ଚାଷୀ ମୃତ୍ୟୁ ସଂପର୍କରେ ଟ୍ବିଟ କରିଥିବା ସାମ୍ବାଦିକଙ୍କ ବିରୁଦ୍ଧରେ ମାମଲା ରୁଜ୍ଜୁ
ନୂଆଦିଲ୍ଲୀ : ଓ୍ବେବ ପୋର୍ଟାଲ ‘ଦି ଓ୍ବେୟାର’ର ସଂପାଦକ ସିଦ୍ଧାର୍ଥ ବର୍ଦ୍ଦରାଜନଙ୍କ ନାମରେ ପୁଲିସରେ ଏକ ମାମଲା ରୁଜ୍ଜୁ କରାଯାଇଛି । ଗତ ଜାନୁଆରି ୨୬ରେ ଦିଲ୍ଲୀରେ ହୋଇଥିବା ଟ୍ରାକ୍ଟର ଶୋଭାଯାତ୍ରାବେଳେ ମୃତ୍ୟୁବରଣ କରିଥିବା ଜଣେ ଚାଷୀଙ୍କ ସଂପର୍କିତ ଏକ ଖବର ‘ଦି ଓ୍ବେୟାର’ ରେ ପ୍ରକାଶ ପାଇଥିଲା ଓ ବର୍ଦ୍ଦରାଜନ ଏହାକୁ ଟ୍ବିଟରରେ ସେୟାର କରିଥିଲେ । ମିଥ୍ୟା ଆରୋପ ଲଗାଇବା, ଜାତୀୟ ସଂହତିକୁ ବିପନ୍ନ କରୁଥିବା ବୟାନ ଦେବା ଅଭିଯୋଗରେ ତାଙ୍କ ବିରୁଦ୍ଧରେ ଏହି ଏଫଆଇଆର ଦାଏର କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ମୃତ୍ୟୁବରଣ କରିଥିବା ଚାଷୀ ଉତ୍ତରପ୍ରଦେଶରେ ରାମପୁର ଗାଁର ହୋଇଥିବାବେଳେ ଏହି ଏଫଆଇଆର କୁ ରାମପୁରର ଜଣେ ବ୍ୟକ୍ତି ଦାଏର କରିଛନ୍ତି ।
ଚାଷୀଜଣକ ଟ୍ରାକ୍ଟର ଦୁର୍ଘଟଣାରେ ମୃତ୍ୟୁବରଣ କରିଥିବା ପୁଲିସ କହୁଛି । ମାତ୍ର ଉକ୍ତ ରିପୋର୍ଟରେ ଦାବି କରାଯାଇଛି ଯେ ମୃତ୍ୟୁବରଣ କରିଥିବା ଚାଷୀ ପୁଲିସ ଗୁଳିରେ ମୃତ୍ୟୁବରଣ କରିଛନ୍ତି ବୋଲି ମୃତକଙ୍କ ପରିବାରକୁ ପୋଷ୍ଟମୋର୍ଟମ କରିଥିବା ଡାକ୍ତର କହିଛନ୍ତି । କିନ୍ତୁ ପରେ ସଂପୃକ୍ତ ଡାକ୍ତର ଏକ ବୟାନ ଜାରି କରି ଏପରି କିଛି କହିନାହାନ୍ତି ବୋଲି ସ୍ପଷ୍ଟ କରିଦେଇଛନ୍ତି ।