କବିତା ଲେଖି ଅଡୁଆରେ ଫସିଗଲେ ୧୦ କବି
ଗୌହାଟୀ: ଆସାମ ପୁଲିସ ଗୁରୁବାର ନାଗରିକତା ବିବାଦ ଉପରେ କବିତା ଲେଖିଥିବା ଦଶ ଜଣ କବିଙ୍କ ବିରୋଧରେ ମାମଲା ରୁଜୁ କରିଛି | ଯେଉଁ ଲୋକଙ୍କ ବିରୋଧରେ ଏହି ମାମଲା ରୁଜୁ କରାଯାଇଛି ସେମାନଙ୍କ ମଧ୍ୟରେ ଅଧିକାଂଶ ଲୋକ ପଶ୍ଚିମବଙ୍ଗର କବି ହୋଇଥିବା ବେଳେ ସାମାଜିକ କର୍ମୀ ଭାବେ ବେଶ ଜଣାଶୁଣା | ତେବେ ଗୌହାଟୀ ସେଣ୍ଟ୍ରାଲ ଡିସିପି ଧର୍ମେନ୍ଦ୍ର କୁମାର ଦାସ କହିଛନ୍ତି ଯେ ଏହି ମାମଲାରେ କାହାକୁ ଗିରଫ କରାଯାଇନାହିଁ |
Sambad is now on WhatsApp
Join and get latest news updates delivered to you via WhatsApp
ତେବେ ଏହାକୁ ନେଇ ମାମଲା ରୁଜୁ ହୋଇଥିବା ସାମାଜିକ କର୍ମୀ ଅବଦୁଲ କାଲାମ ଆଜାଦ କହିଛନ୍ତି ଯେ ନାଗରିକଙ୍କ ଉପରେ କବିତା ଲେଖିବାର ଅଧିକାର କ’ଣ ନାହିଁ | ମିଳିଥିବା ସୂଚନା ମୁତାବକ ନାଗରିକ ସଂଶୋଧନ ବିଲକୁ ନେଇ ଆସାମରେ ପାଖାପାଖି ୪୦ ଲକ୍ଷ ଲୋକଙ୍କୁ ବେଦଖଲ କରାଯାଇଛି |
ଆସାମରେ ଅନୈତିକ ଭାବେ ପ୍ରବେଶ ରହୁଥିବା ଅନୁପ୍ରବେଶକାରୀଙ୍କୁ ବେଦଖଲ କରିବା ପାଇଁ ନାଗରିକ ସଂଶୋଧନ ବିଲ ଜାରି କରାଯାଇଥିଲା | ୧୯୫୧ ମସିହାରେ ନ୍ୟାସନାଲ ରେଜିଷ୍ଟର ଅଫ ସିଟିଜେନ୍ସ ବା ଏନଆରସି ପ୍ରସ୍ତୁତ କରାଯାଇଥିଲା | ଯାହାଦ୍ୱାରା ନିଷ୍ପତ୍ତି ନିଆଯାଇପାରିବ କେଉଁମାନେ ଆସାମରେ ଜନ୍ମ ହୋଇଛନ୍ତି ବା ଭାରତର ନାଗରିକ ପାଇଁ ଯୋଗ୍ୟ ହୋଇପାରିବେ |