ମିଥୁନ ଚକ୍ରବର୍ତ୍ତୀଙ୍କ ପୁଅ ମହାଅକ୍ଷୟଙ୍କ ନାମରେ ସଙ୍ଗୀନ ଅଭିଯୋଗ : ଦୁଷ୍କର୍ମ ପରେ ଜବରଦସ୍ତ ଗର୍ଭପାତ କରାଇଥିବା କହିଲେ ଅଭିନେତ୍ରୀ
ମୁମ୍ବାଇ: ବଲିଉଡର ଜଣାଶୁଣା ଅଭିନେତା ମିଥୁନ ଚକ୍ରବର୍ତ୍ତୀଙ୍କ ପୁଅ ମହାଅକ୍ଷୟଙ୍କ ଉପରେ ଲାଗିଲା ସଙ୍ଗୀନ ଅଭିଯୋଗ | ଦୁର୍ଷ୍ମମ କରିବା ପରେ ଜୋର ଜବରଦସ୍ତି ଗର୍ଭପାତ କରାଇଥିବା ନେଇ ଅଭିଯୋଗ ଆଣିଲେ ଜଣେ ଅଭିନେତ୍ରୀ | ଏହା ସହ ମାମଲାକୁ ଚାପି ଦେବାକୁ ଚେଷ୍ଟା କରୁଥିବା ନେଇ ମିଥୁନଙ୍କ ସ୍ତ୍ରୀ ଯୋଗୀତା ବାଲିଙ୍କ ବିରୋଧରେ ମଧ୍ୟ ଅଭିଯୋଗ କରିଛନ୍ତି ଅଭିନେତ୍ରୀ।
Sambad is now on WhatsApp
Join and get latest news updates delivered to you via WhatsApp
ଅଭିଯୋଗ ମୁତାବକ, ପୀଡ଼ିତାଙ୍କ ସହ ୨୦୧୫ରୁ ପ୍ରେମ ସଂପର୍କରେ ଥିଲେ ମିଥୁନଙ୍କ ପୁଅ ମହାଅକ୍ଷୟ । ମହାଅକ୍ଷୟ ବିବାହ କରିବାର ପ୍ରଲୋଭନ ଦେଖାଇ ପୀଡ଼ିତାଙ୍କ ସହ ଶାରିରୀକ ସଂପର୍କ ରଖିଥିଲେ । ୨୦୧୫ ରରେ ମହାଅକ୍ଷୟ ପୀଡ଼ିତାଙ୍କୁ ଘରକୁ ଡାକିଥିଲେ । ଏହାପରେ ତାଙ୍କୁ ଥଣ୍ଡାପାନୀୟରେ କିଛି ନିଶା ଔଷଧ ମିଶାଇ ପିଇବାକୁ ଦେଇଥିଲେ । ତାହାକୁ ପିଇ ପୀଡ଼ିତା ଅଚେତ ହେବା ପରେ ମହାଅକ୍ଷୟ ତାଙ୍କ ସହିତ ଶାରୀରିକ ସମ୍ପର୍କ ରଖିଥିଲେ । ଏ ବିଷୟରେ ଜାଣି ପୀଡ଼ିତା ବିରୋଧ କରିବାରୁ ମହାଅକ୍ଷୟ ତାଙ୍କୁ ବିବାହର ପ୍ରତିଶ୍ରୁତି ଦେଇଥିଲେ। ଏହାପରେ ଦୀର୍ଘ ୪ ବର୍ଷ କାଳ ମହାଅକ୍ଷୟ ପୀଡ଼ିତାଙ୍କ ସହ ଶାରୀରିକ ସଂପର୍କ ରଖିଥିଲେ । ପୀଡ଼ିତା ଯେତେବେଳେ ଗର୍ଭବତୀ ଥିବା କଥା ଜଣାଇ ଥିଲେ, ବିବାହ କରିବା ପରିବର୍ତ୍ତେ ମହାଅକ୍ଷୟ ତାଙ୍କୁ ଗର୍ଭପାତ କରିବାକୁ ବାଧ୍ୟ କରିଥିଲେ । ଏ ନେଇ ପୀଡ଼ିତାଜଣଙ୍କ ଅରାଜି ହେବାରୁ ସେ ତାଙ୍କ ଅଜାଣତରେ ତାଙ୍କୁ କିଛି ଔଷଧ ଦେଇ ଗର୍ଭପାତ କରାଇଥିଲେ ।
ଏହି ମାମଲାରେ ମିଥୁନଙ୍କ ସ୍ତ୍ରୀ ଯୋଗୀତା ବାଲିଙ୍କ ବିରୋଧରେ ବି ଅଭିଯୋଗ କରିଛନ୍ତି ପୀଡ଼ିତା । ସେ କହିଛନ୍ତି ଯେ, ଏ ନେଇ ସେ ଅଭିଯୋଗ କରିବା ପରେ ଯୋଗୀତା ତାଙ୍କୁ ଧମକ ଦେବା ସହ ମାମଲାର ରଫାଦଫା କରିବାକୁ ଚାପ ପକାଉଛନ୍ତି ।
ମୁମ୍ବାଇର ଓସିୱାରା ପୁଲିସ ଷ୍ଟେସନରେ ଅଭିନେତ୍ରୀ ଅଭିଯୋଗ କରିବା ପରେ ପୁଲିସ ମହାଅକ୍ଷୟଙ୍କ ବିରୋଧରେ ଧାରା ୩୭୬ (୨), ଧାରା ୩୨୮, ଧାରା ୪୧୭, ଧାରା ୫୦୬, ଧାରା ୩୧୩ ଓ ଧାରା ୩୪ ଲଗାଇ ମାମଲା ରୁଜୁ କରିଛି । ମଡେଲ ଜଣଙ୍କ ୨୦୧୮ ରେ ଏହି ଅଭିଯୋଗ ଦାଖଲ କରିଥିଲେ । ଅଦାଲତ ପ୍ରଥମେ ଏହି ମାମଲାର ଶୁଣାଣି ଦିଲ୍ଲୀ କୋର୍ଟରେ କରିବାକୁ କହିଥିବା ବେଳେ ଏବେ ଏହାର ଅନ୍ତିମ ଫଳାଫଳ ପାଇଁ ମାମଲାକୁ ମୁମ୍ବାଇ କୋର୍ଟକୁ ସ୍ଥାନାନ୍ତର କରାଯାଇଛି ।
ତେବେ ଏହା ପ୍ରଥମ ନୁହେଁ ମହାଅକ୍ଷୟଙ୍କ ନାମରେ ୨୦୧୮ରେ ଅନ୍ୟଜଣେ ଭୋଜପୁରୀ ଅଭିନେତ୍ରୀ ଦୁଷ୍କର୍ମ ଓ ଗର୍ଭପାତ ଭଳି ସଙ୍ଗୀନ ଅଭିଯୋଗ ଆଣିଥିଲେ ।