ବିହାରର ଭେଲ୍ୱାରା ରେଳଷ୍ଟେସନ୍ରେ ଟ୍ରେନ୍ରେ ଅଗ୍ନିକାଣ୍ଡ
ପାଟନା: ଆଜି ସକାଳେ ବିହାରର ଭେଲ୍ୱାରା ରେଳଷ୍ଟେସନ୍ ନିକଟରେ ଗୋଟାଏ ଟ୍ରେନ୍ରେ ନିଆଁ ଲାଗିଯାଇଥିବା ସମ୍ବାଦ ସରବରାହ ସଂସ୍ଥାନ ‘ଏଏନ୍ଆଇ’ ରିପୋର୍ଟ କରିଛି।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନା ଅନୁସାରେ, ରକ୍ସୌଲ୍ରୁ ନରକଟୀକଗଞ୍ଜ ଯାଉଥିବା ‘ଡିଏମ୍ୟୁ’ ଟ୍ରେନ୍ ଇଞ୍ଜିନ୍ରେ ନିଆଁ ଲାଗିଯାଇଥିଲା। ଖବର ପାଇବା ପରେ ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଥିଲେ।
Bihar | Fire broke out in engine of a DMU train near Bhelwa railway station earlier this morning. The train was going from Raxaul to Narkatiaganj. Cause of the fire yet to be ascertained. All passengers are safe, fire from the engine did not spread. Fire fighting ops are underway
— ANI (@ANI) July 3, 2022
ଉକ୍ତ ଅଘଟଣର ଏକ ଭିଡିଓ ମଧ୍ୟ ‘ଏଏନ୍ଆଇ’ ସେୟାର୍ କରିଛି। ସେଥିରେ ଦେଖାଯାଉଛି, ଟ୍ରେନ୍ରୁ କଳାଧୂଆଁ ଉଠୁଛି। ଘଟଣାସ୍ଥଳରେ ଦେଖଣାହାରିମାନେ ଗହଳି କରିଥିବା ବେଳେ ଦମକଳ କର୍ମଚାରୀମାନେ ନିଆଁ ଲିଭାଇବାକୁ ଉଦ୍ୟମ କରୁଛନ୍ତି। କିନ୍ତୁ, ଇଞ୍ଜିନ୍ରେ ଲାଗି ଥିବା ଉକ୍ତ ନିଆଁ ଟ୍ରେନ୍ର ବଗିଗୁଡ଼ିକୁ ବ୍ୟାପିଯାଇ ନ ଥିଲା। ଟ୍ରେନ୍ରେ ଯାତ୍ରା କରୁଥିବା ସମସ୍ତ ଯାତ୍ରୀ ନିରାପଦ ଅଛନ୍ତି ଓ ସେମାନଙ୍କୁ ଟ୍ରେନ୍ରୁ ସ୍ଥାନାନ୍ତର କରାଯାଇଛି।
ଅଗ୍ନିକାଣ୍ଡର ପ୍ରକୃତ କାରଣ ଏ ପର୍ଯ୍ୟନ୍ତ ଜଣାପଡ଼ିନାହିଁ। ଘଟଣାରେ କେହି ମୃତାହତ ହୋଇଥିବାର ରିପୋର୍ଟ ମଧ୍ୟ ଆସିନାହିଁ।