କୋଚିନ୍ ସିପ୍ୟାର୍ଡରେ ଅଗ୍ନିକାଣ୍ଡ, ୫ ଜୀବନ୍ତ ଦଗ୍ଧ
କୋଚି: କୋଚିନ୍ ସିପ୍ୟାର୍ଡ ଲିମିଟେଡ୍ ( ସିଏସ୍ଏଲ୍) ପରିସରରେ ଅଗ୍ନିକାଣ୍ଡ ଘଟି ପାଞ୍ଚ ଜଣଙ୍କର ମୃତ୍ୟୁ ଘଟିଛିି । ସିପ୍ୟାର୍ଡ ପରିସରରେ ଏକ ଜାହାଜର ମରାମତି ଚାଲିଥିବା ବେଳେ ଏହି ଦୁର୍ଘଟଣା ଘଟିଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ମରାମତି କାର୍ଯ୍ୟ ଚାଲିଥିବା ବେଳେ ହଠାତ୍ ନିଆଁ ଲାଗିଯାଇଥିଲା । ଫଳରେ ଜାହାଜ ଭିତରେ କାମ କରୁଥିବା ୧୧ ଜଣ କର୍ମଚାରୀ ବାହାରକୁ ଆସି ପାରି ନ ଥିଲେ। ସିପ୍ୟାର୍ଡ କର୍ତ୍ତୃପକ୍ଷ ସଙ୍ଗେ ସଙ୍ଗେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଯେଉଁମାନଙ୍କୁ ଉଦ୍ଧାର କରାଯାଇପାରିଲା, ସେମାନଙ୍କୁ ସଙ୍ଗେ ସଙ୍ଗେ ଚିକିତ୍ସା ଲାଗି ବିଭିନ୍ନ ହସ୍ପିଟାଲକୁ ପଠାଇ ଦିଆଯାଇଥିଲା ।
ତେବେ ଘଟଣାସ୍ଥଳରୁ ପ୍ରଥମେ ୩ ଜଣଙ୍କୁ ଉଦ୍ଧାର କରାଯାଇ ନ ପାରିବାରୁ ସେମାନେ ଜୀବନ୍ତ ଦଗ୍ଧ ହୋଇଥିବା ସୂଚନା ମିଳିଥିଲା । ଏହାପରେ ଆହୁରି ଦୁଇ ଜଣ ନିଆଁ ଭିତରେ ଫସି ରହୁଥିଲେ ବୋଲି ଜଣାପଡ଼ିଲା। ତେବେ ସେମାନଙ୍କୁ ଉଦ୍ଧାର କରିବା ସମ୍ଭବ ହୋଇପାରିବନାହିଁ । ଫଳରେ ମୃତ୍ୟୁ ସଂଖ୍ୟା ୫କୁ ବୃଦ୍ଧି ପାଇଛି ।