ମଝି ରାସ୍ତାରେ କାରରେ ଲାଗିଲା ନିଆଁ, ଲିଭିଗଲା ୬ଜଣଙ୍କ ଜୀବନ ଦୀପ
ଚିତ୍ତୋର: ମଝି ରାସ୍ତାରେ କାରରେ ଲାଗିଲା ନିଆଁ | ଲିଭିଗଲା ୬ଜଣଙ୍କ ଜୀବନ ଦୀପ | ଗୋଟେ ପରିବାରର ୮ଜଣ ଘରକୁ ଫେରୁଥିବା ବେଳେ ହଠାତ କାରରେ ନିଆଁ ଲାଗିବାରୁ ୬ଜଣଙ୍କ ମୃତ୍ୟୁ ଘଟିଛି | କାରରେ ପେଟ୍ରୋଲ ଲିକ କରିବାରୁ ନିଆଁ ଲାଗିଥିବା କହିଛନ୍ତି ଚନ୍ଦ୍ରଗିରି ଇନ୍ସପେକ୍ଟର ବି.ଭି ଶ୍ରୀନିବାସ |
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ମୁତାବକ, ଚିତ୍ତୋର ଜିଲ୍ଲାରୁ କାରରେ ସମୁଦାୟ ଆଠ ଜଣ ଲୋକ ଆସୁଥିବା ବେଳେ ଦ୍ରୁତ ଗତିରେ ଥିବା କାରଟି ଏକ ଡିଭାଇଡରକୁ ଧକ୍କା ଦେଇଥିଲା | ତେଲ ଲିକ୍ ହେତୁ ପୁଥାଲପାଟ୍ଟୁ-ନାଇଡୁପେଟ୍ ରାସ୍ତାରେ ଚନ୍ଦ୍ରଗିରି ଜୋନର ଆଇଟେପାଲୀରେ କାରରେ ନିଆଁ ଲାଗିଯାଇଥିଲା | ଏହି ଅଗ୍ନିକାଣ୍ଡରେ ୫ଜଣ ଲୋକଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ତିନିଜଣ ଗୁରୁତରଙ୍କୁ ଆହତ ଅବସ୍ଥାରେ ତିରୁପତିସ୍ଥିତ ରୁଆ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଅନ୍ୟ ଜଣେ ଆଖିବୁଜି ଦେଇଥିଲେ | ୬ଜଣ ମୃତକଙ୍କ ମଧ୍ୟରେ ଜଣେ ଶିଶୁ ଥିବା ବେଳେ କନିପାକମ୍ ମନ୍ଦିରରୁ ଦର୍ଶନ ସାରି ଫେରୁଥିବା ବେଳେ ଏଭଳି ଘଟିଥିବା ଜଣାପଡିଛି |