ଆନ୍ଧ୍ରପ୍ରଦେଶ: ବାଣ ବଜାରରେ ଅଗ୍ନିକାଣ୍ଡ, ୨ ମୃତ

ଅମରାବତି : ରବିବାର ପୂର୍ବାହ୍ନରେ ବିଜୟୱାଡାର ଏକ ବାଣ ବଜାରରେ ଅଗ୍ନିକାଣ୍ଡ ଘଟି ଦୁଇ ଜଣଙ୍କ ମୃତ୍ୟୁ ହୋଇଛି। ନିଆଁରେ ପୋଡି ଯାଇଥିବା ତିନୋଟି ଦୋକାନ ମଧ୍ୟରୁ ଗୋଟିଏରେ ଶ୍ରମିକମାନେ ଶୋଇଥିଲେ। ତିନୋଟି ବାଣ ଦୋକାନ ସମ୍ପୂର୍ଣ୍ଣ ଜଳିଯାଇଥିଲା। ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଥିଲେ। ସୌଭାଗ୍ୟବଶତଃ ବାଣ ବଜାରର ବିପରୀତ ଦିଗରେ ଥିବା ଇନ୍ଧନ ଷ୍ଟେସନର କୌଣସି କ୍ଷତି ହୋଇ ନାହିଁ। ଅଗ୍ନିକାଣ୍ଡ ପରେ ବାଣଗୁଡ଼ିକ ପ୍ରଚଣ୍ଡ ଶବ୍ଦ କରି ଫୁଟିବାରୁ ଆଖପାଖରେ ରହୁଥିବା ଲୋକମାନେ ଆତଙ୍କିତ ହୋଇପଡ଼ିଥିଲେ।