ଆଜି ଭାରତରେ ପହଞ୍ଚିବ ଏଏଚ୍-୬୪ଇ ଆପାଚି ଆଟାକ୍ ହେଲିକପ୍ଟର୍ର ପ୍ରଥମ ବ୍ୟାଚ୍
ନୂଆଦିଲ୍ଲୀ: ଶନିବାର ଦିନ ଗାଜିଆବାଦସ୍ଥିତ ହିନ୍ଦୋନ୍ ଏୟାର୍ବେସ୍ରେ ପହଞ୍ଚିବ ପ୍ରଥମ ବ୍ୟାଚ୍ ବୋଇଙ୍ଗ୍ ଏଏଚ୍-୬୪ଇ ଆପାଚି ଗାର୍ଡିଆନ୍ ଆଟାକ୍ ହେଲିକପ୍ଟର। ଏହି ହେଲିକପ୍ଟର୍ଗୁଡ଼ିକ ଗୋଟାଏ ଆଣ୍ଟୋନୋଭ୍ ଏଏନ୍ ୨୨୪ ପରିବହନ ବିମାନରେ ଆସି ନିର୍ଦ୍ଧାରିତ ସ୍ଥାନରେ ପହଞ୍ଚିବ।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ବ୍ୟାଚ୍ରେ ଆସୁଛି ତିନିରୁ ଚାରିଗୋଟି ଏଏଚ୍-୬୪ଇ ଆପାଚି ଆଟାକ୍ ହେଲିକପ୍ଟର।
ଖଞ୍ଜାଖଞ୍ଜି କାମ ଶେଷ ହୋଇ କେତେ ଥର ପରୀକ୍ଷାମୂଳକ ଉଡ଼ାଣ କରାଯିବା ପରେ ଏହି ହେଲିକପ୍ଟର୍ଗୁଡ଼ିକୁ ଭାରତ-ପାକିସ୍ତାନ ସୀମା ନିକଟ ପଠାନକୋଟ୍ ଏୟାର୍ ବେସ୍କୁ ପଠାଇ ଦିଆଯିବ।
ଗ୍ରୁପ୍ କ୍ୟାପ୍ଟେନ୍ ଏମ୍ ଶେଲୁ ଏହି ସ୍କ୍ଵାଡ୍ରୋନ୍କୁ କମାଣ୍ଡ୍ ଦେବେ। ସମ୍ପ୍ରତି ପଠାନକୋଟରେ ଏମ୍ଆଇ-୩୫ର ୧୨୫ ହେଲିକପ୍ଟର୍ ସ୍କ୍ଵାଡ୍ରୋନ୍ ରଖାଯାଇଛି।
ଏଏଚ୍-୬୪ଇ ହେଲିକପ୍ଟର୍ର ଦ୍ୱିତୀୟ ସ୍କ୍ଵାଡ୍ରୋନ୍ ରହିବ ଆସାମର ଜୋରହାଟ୍ ଏୟାର୍ ବେସ୍ରେ।
ମେ ୧୦ ତାରିଖ ଦିନ ଆରିଜୋନା ଅନ୍ତର୍ଗତ ମେସା ବୋଇଙ୍ଗ୍ ଉତ୍ପାଦନ କେନ୍ଦ୍ରରେ ଉତ୍ସବ ଆୟୋଜନ କରାଯାଇ ପ୍ରଥମ ଏଏଚ୍-୬୪ଇ ହେଲିକାପ୍ଟର୍କୁ ଆନୁଷ୍ଠାନିକ ଭାବେ ଭାରତୀୟ ବାୟୁସେନାକୁ ହସ୍ତାନ୍ତର କରାଯାଇଥିଲା।