ଚିନ୍ତାର ବିଷୟ: ଦେଶରେ ପ୍ରଥମ ଥର ୨୭ବର୍ଷୀୟ ମହିଳା ପୁଣିଥରେ କରୋନା ସଂକ୍ରମିତ
ବେଙ୍ଗାଲୁରୁ: ଭାରତରେ ଏବେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ମୃତକଙ୍କ ସଂଖ୍ୟା ମଧ୍ୟ ବଢ଼ିଚାଲିଛି । କିନ୍ତୁ କରୋନା ଆକ୍ରାନ୍ତ ସୁସ୍ଥ ହେବା ପରେ ପୁଣି ସଂକ୍ରମିତ ହେବା ମାମଲା ଏବେ ଦେଶରେ ଏକ ପ୍ରକାର ମୁଣ୍ଡବିନ୍ଧାର କାରଣ ପାଲଟିଛି । ଏଭଳି ଏକ ମାମଲା କର୍ଣ୍ଣାଟକ ରାଜଧାନୀ ବେଙ୍ଗଲୁରୁରୁ ସାମ୍ନାକୁ ଆସିଛି । କରୋନାରୁ ସୁସ୍ଥ ହୋଇଥିବା ଜଣେ ୨୭ ବର୍ଷୀୟା ଯୁବତୀ ପୁଣିଥରେ ସଂକ୍ରମିତ ହୋଇଥିବା ବେଙ୍ଗାଲୁରୁର ଫାର୍ଟିସ୍ ହସ୍ପିଟାଲର ସୂଚନା ଦେଇଛି। ବେଙ୍ଗାଲୁରୁରେ କରୋନା ରି-ଇନ୍ଫେକ୍ସନର ଏହା ହେଉଛି ପ୍ରଥମ ମାମଲା ।
Sambad is now on WhatsApp
Join and get latest news updates delivered to you via WhatsApp
ଡାକ୍ତରଖାନା ପ୍ରଶାସନ ପକ୍ଷରୁ କୁହାଯାଇଛି ଯେ, ଜଣେ ୨୭ ବର୍ଷୀୟା ମହିଳା ଜୁଲାଇରେ କରୋନା ପଜିଟିଭ୍ ଚିହ୍ନଟ ହୋଇଥିଲେ। ଚିକିତ୍ସ। ପରେ କରୋନା ନେଗେଟିଭ୍ ବାହାରିବା ପରେ ତାଙ୍କୁ ଡିସ୍ଚାର୍ଜ କରାଯାଇଥିଲା । ଏକ ମାସ ପରେ ତାଙ୍କ ଶରୀରରେ କରୋନା ଲକ୍ଷଣ ଦେଖାଦେବାରୁ ଟେଷ୍ଟ କରାଯାଇଥିଲା । ଟେଷ୍ଟ ରିପୋର୍ଟ ପଜିଟିଭ୍ ଆସିଛି ବୋଲି ଫୋର୍ଟିସ୍ ହସ୍ପିଟାଲ ପକ୍ଷରୁ ସୂଚନା ମିଳିଛି ।
बेंगलुरू में 27साल की एक महिला का पहला कंफर्म #COVID19 रीइनफेक्शन का मामला सामने आया है। वो जुलाई में पॉजिटिव पाई गई थीं और नेगेटिव होने का बाद उन्हें डिस्चार्ज कर दिया था। एक महीने बाद उन्होंने एक बार फिर हल्के लक्षण विकसित किए और COVID पॉजिटिव पाई गईं : Fortis अस्पताल, बेंगलुरु pic.twitter.com/oKK1XUE0qO
— ANI_HindiNews (@AHindinews) September 6, 2020
ସେପଟେ ହସ୍ପିଟାଲର ଡାକ୍ତରଙ୍କ ଅନୁସାରେ, କରୋନା ସଂକ୍ରମଣ ହେବାର ୨-୩ ସପ୍ତାହ ମଧ୍ୟରେ ରୋଗୀ ଶରୀରରେ ଆଣ୍ଟିବଡି ତିଆରି ହୋଇଯାଇଥାଏ। ଯଦ୍ବାରା ଦ୍ବିତୀୟ ଥର କରୋନା ସଂକ୍ରମିତ ହେବା ସମ୍ଭାବନା କମ୍ ରହିଥାଏ। କିନ୍ତୁ ବେଙ୍ଗାଲୁରୁରୁ ସାମ୍ନାକୁ ଆସିଥିବା ଏକ ଘଟଣା ଏହାକୁ ଭୁଲ ପ୍ରମାଣିତ କରିଛି ବୋଲି କୁହାଯାଉଛି।