ପାକିସ୍ତାନରେ ହେଲା କମାଲ : ସିନ୍ଧ୍ରେ ପ୍ରଥମ ଥର ଜଣେ ହିନ୍ଦୁ ମହିଳା ବନିଲେ ପୁଲିସ ଅଫିସର
ନୂଆଦିଲ୍ଲୀ : କିଛି ଦିନ ହେଲାଣି ପାକିସ୍ତାନରେ ରହୁଥିବା ହିନ୍ଦୁ ଓ ଶିଖ୍ ଯୁବତୀମାନଙ୍କ ଧର୍ମ ପରିବର୍ତ୍ତନ କରାଯାଇ ଜୋରଜବରଦସ୍ତ ସେମାନଙ୍କ ବିବାହ କରାଯାଉଥିବାର ଖବର ଆସୁଥିଲା । କିନ୍ତୁ ହଠାତ୍ ପାକିସ୍ତାନରୁ ଏକ ଭଲ ଖବର ମିଳିଛି । ଖବରଟି ବହୁ ଦିଗରୁ ଗୁରୁତ୍ବପୂର୍ଣ୍ଣ । କାରଣ ପ୍ରଥମ ଥର ପାଇଁ ଜଣେ ହିନ୍ଦୁ ମହିଳା ପାକିସ୍ତାନର ସିନ୍ଧ୍ରେ ପୁଲିସ ଅଫିସର ଭାବେ ନିଯୁକ୍ତି ପାଇଛନ୍ତି । ଏହି ଖବରର ଖୁଲାସା କରିଛି ପାକିସ୍ତାନୀ ଟିଭି ଜିଓ ନିଉଜ୍ । ପାକିସ୍ତାନର ସିନ୍ଧ୍ ଅଞ୍ଚଳରେ ପୁଷ୍ପା କୋହଲୀଙ୍କୁ ଆସିଷ୍ଟାଣ୍ଟ ସବ୍-ଇନ୍ସ୍ପେକ୍ଟର ଭାବେ ନିଯୁକ୍ତି ମିଳିଛି । ଗୋଟେ ଦିନ ପୂର୍ବରୁ ପାକିସ୍ତାନର ମାନବାଧିକାର କାର୍ଯ୍ୟକର୍ତ୍ତା ମଧ୍ୟ ଏ ନେଇ ସୂଚନା ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ପାକିସ୍ତାନରେ ପ୍ରଥମ ଥର ପାଇଁ କୌଣସି ଅଳ୍ପସଂଖ୍ୟକ ହିନ୍ଦୁ ମହିଳାଙ୍କୁ ପୁଲିସ ଅଫିସର ପଦରେ ନିଯୁକ୍ତି ମିଳିଛି, ଯାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ପୁଷ୍ପା ପ୍ରାନ୍ତୀୟ ପ୍ରତିଯୋଗିତାମୂଳକ ପରୀକ୍ଷା ଦେଇ ସଫଳ ହେବା ପରେ ତାଙ୍କୁ ଏହି ପଦ ମିଳିଛି ।