ପ୍ରଥମ ମାସରେ ତେଜସ୍ ଏକ୍ସପ୍ରେସରୁ ମିଳିଲା ୭୦ ଲକ୍ଷ ଟଙ୍କାର ଲାଭ
ନୂଆଦିଲ୍ଲୀ: ଭାରତୀୟ ରେଳବାଇର ପ୍ରଥମ ଘରୋଇ ଟ୍ରେନ୍ ତେଜସ୍ ଏକ୍ସପ୍ରେସ୍ ପ୍ରଥମ ମାସରେ ପ୍ରାୟ ୭୦ ଲକ୍ଷ ଟଙ୍କାର ଲାଭ କରିଥିବା ଜଣାଯାଇଛି। ମିଳିଥିବା ସୂଚନା ଅନୁଯାୟୀ କେବଳ ଟିକଟ ବିକ୍ରିରୁ ପ୍ରାୟ ୩ କୋଟି ୭୦ ଲକ୍ଷ ଟଙ୍କାର ଆୟ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ମାସ ୪ ତାରିଖ ଦିନ ଲକ୍ଷ୍ନୌ ଓ ନୂଆଦିଲ୍ଲୀ ରାସ୍ତାରେ ଚଳାଚଳ ନିମନ୍ତେ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଭାରତର ପ୍ରଥମ ଘରୋଇ ଆଂଶିକ ଦ୍ରୁତଗାମୀ ଟ୍ରେନ୍ ‘ତେଜସ୍ ଏକ୍ସପ୍ରେସ’ର ଶୁଭ ଉଦ୍ଘାଟନ କରିଥିଲେ।
ତେଜସ୍ ଏକ୍ସପ୍ରେସ୍ ହେଉଛି ଭାରତୀୟ ରେଳବାଇ ପ୍ରଥମ ଟ୍ରେନ୍ ଯାହା ତା’ର ସହାୟକ ‘ଇଣ୍ଡିଆନ୍ ରେଲ୍େଓ୍ଵଜ୍ କ୍ୟାଟରିଙ୍ଗ୍ ଆଣ୍ଡ୍ ଟୁରିଜମ୍ କର୍ପୋରେସନ୍ (ଆଇଆର୍ସିଟିସି) ଦ୍ୱାରା ଚଳାଚଳ କରିଛି।
ରାଜସ୍ୱ ବଢ଼ାଇବା ନିମନ୍ତେ ରେଳ ମନ୍ତ୍ରାଳୟ ଗ୍ରହଣ କରିଥିବା ୧୦୦ ଦିନିଆ ଆକ୍ସନ୍ ପ୍ଲାନ୍ ଅନୁସାରେ ଘରୋଇ ବ୍ୟବସ୍ଥାକୁ ହସ୍ତାନ୍ତର କରିବାକୁ ନିଷ୍ପତ୍ତି ନିଆଯାଇଥିଲା।
ତେଜସ୍ ଏକ୍ସପ୍ରେସ୍ ଟ୍ରେନ୍ ନମ୍ବର ୮୨୫୦୧ ସକାଳ ୬: ୧୦ ମିନିଟ୍ରେ ଲକ୍ଷ୍ନୌରୁ ବାହାରି ଅପରାହ୍ଣ ୧୨: ୨୫ରେ ନୂଆଦିଲ୍ଲୀ ରେଳବାଇ ଷ୍ଟେସନରେ ପହଞ୍ଚୁଛି।ଫେରନ୍ତା ଯାତ୍ରାରେ ଟ୍ରେନ୍ ନମ୍ବର ୮୨୫୦୨ ୩: ୩୫ ମିନିଟ୍ରେ ଦିଲ୍ଲୀ ଛାଡ଼ି ରାତି ୧୦: ୦୫ରେ ଲକ୍ଷ୍ନୌରେ ପହଞ୍ଚୁଛି। ଏହା ମଙ୍ଗଳବାର ବ୍ୟତୀତ ସପ୍ତାହର ବାକି ଛଅ ଦିନ ଚଳାଚଳ କରୁଛି।