୫ ଦିନ ପରେ ଜୀବିତ ଅବସ୍ଥାରେ କୂଳକୁ ଆସିଲେ ସମୁଦ୍ରରେ ବୁଡ଼ିଯାଇଥିବା ମତ୍ସ୍ୟଜୀବୀ
କୋଲକାତା: ପଶ୍ଚିମବଙ୍ଗର ଦକ୍ଷିଣ ୨୪ ପରଗନାର ଜଣେ ମତ୍ସ୍ୟଜୀବୀ ଅକାତକାତ ସମୁଦ୍ର ଗର୍ଭରେ ୫ ଦିନ ରହିବା ପରେ ଜୀବିତ ଫେରିଆସିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ରବିନ୍ଦ୍ରନାଥ ଦାସ ନାମକ ଏହି ମତ୍ସ୍ୟଜୀବୀ ଜୁଆର ଭଟ୍ଟାର ଲହଡି ମଧ୍ୟରେ ଭୋକ ଉପାସରେ ଅଶାନ୍ତ ସମୁଦ୍ର ସହ ଲଢେଇ ଜାରି ରଖି ୫ ଦିନରେ ଜୀବିତ ଅବସ୍ଥାରେ କୂଳକୁ ଆସିଥିଲେ । କିନ୍ତୁ ଅନବରତ ସନ୍ତରଣ କରିବା ଯୋଗୁଁ ସେ ଦୁର୍ବଳ ହୋଇଯାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ମାଛ ଧରିବାକୁ ଯାଇ ତାଙ୍କ ଡଙ୍ଗା ଓଲଟି ଯାଇଥିଲା । ଘଟଣାର ୫ ଦିନ ପରେ ତାଙ୍କୁ ବାଙ୍ଗଲାଦେଶର ଚଟଗାଁଓ ତଟରୁ ଉଦ୍ଧାର କରାଗଲା , ଯାହା ଦକ୍ଷିଣ ବଙ୍ଗଳାର କାକଦ୍ୱୀପ ଠାରୁ ୬୦୦ କି.ମି. ଦୂରରେ ଅବସ୍ଥିତ । ଗୁରୁବାର ଦିନ ୧୦୦ ଜଣ ମତ୍ସ୍ୟଜୀବୀଙ୍କ ସହ ରବିନ୍ଦ୍ରନାଥ ସମୁଦ୍ରକୁ ମାଛ ମାରିବାକୁ ଯାଇଥିଲେ । ସମୁଦ୍ର ଅଶାନ୍ତ ଥିବା ଜାଣି ବି ଏହାକୁ ଅଣଦେଖା କରିବାରୁ ଡଙ୍ଗା ବୁଡି ଯାଇଥିଲା ଏବଂ ସବୁ ମତ୍ସ୍ୟଜୀବୀ ବ.ଙେ୍ଗେୋପ ସାଗରରେ ବହିଯାଇ ବାଙ୍ଗଲାଦେଶ ସମୁଦ୍ର ସୀମା ଭିତରକୁ ଚାଲି ଯାଇଥିଲେ ।
ଏହି ଘଟଣାରେ ୧୩୦୦ ଜଣ ମତ୍ସ୍ୟଜୀବୀ ସମୁଦ୍ରର ପ୍ରଖର ସ୍ରୋତରେ ବହିଯାଇଥିଲେ । ତେବେ ୨୫ ଜଣ ମତ୍ସ୍ୟଜୀବୀ ଏବଂ ୨ ଟି ଡଙ୍ଗା ବିଷୟରେ କୌଣସି ସୂଚନା ନ ମିଳିଥିଲେ ହେଁ ଅନ୍ୟ ମତ୍ସ୍ୟଜୀବୀଙ୍କୁ ଉଦ୍ଧାର କରାଯାଇଛି । ଏହି ୨୫ ଜଣଙ୍କ ମଧ୍ୟରୁ ରବିନ୍ଦ୍ରନାଥଙ୍କୁ ବୁଧବାର ସକାଳ ୧୦.୩୦ ସମୟରେ ଚଟଗାଁଓ ତଟରେ ଲୋକମାନେ ସନ୍ତରଣ କରୁଥିବାର ଦେଖିଥିଲେ ।