ବୃଦ୍ଧ ବ୍ୟକ୍ତିଙ୍କ ଫିଟନେସ ଦେଖି ଆଶ୍ଚର୍ଯ୍ୟ ହୋଇଗଲେ ଉପ-ମୁଖ୍ୟମନ୍ତ୍ରୀ

ଚଣ୍ଡୀଗଡ଼: ଆଜିକାଲି ସମସ୍ତେ ଫିଟ ରହିବାକୁ ଖାଦ୍ୟ ସହ ଜୀବନଶୈଳୀରେ ପରିବର୍ତ୍ତନ ଆଣୁଛନ୍ତି | ଅନେକ ଲୋକ ଜିମ ଯାଉଥିବାବେଳେ କସରତ ମଧ୍ୟ କରୁଛନ୍ତି | କିନ୍ତୁ ଏବେ ଜଣେ ବୃଦ୍ଧ ବ୍ୟକ୍ତିଙ୍କ ଫିଟନେସ ଦେଖି ହରିୟାଣା ଉପମୁଖ୍ୟମନ୍ତ୍ରୀ ବି ଆଶ୍ଚର୍ଯ୍ୟ ହୋଇଯାଇଛନ୍ତି | ବାସ୍ତବରେ ହରିୟାଣା ଉପମୁଖ୍ୟମନ୍ତ୍ରୀ ଦୁଷ୍ୟନ୍ତ ଚୌଟାଲାଙ୍କର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି | ଯେଉଁଥିରେ ସେ ଜଣେ ବୃଦ୍ଧ ବ୍ୟକ୍ତିଙ୍କ ସହ ଡିପସ ବା ଦଣ୍ଡବୈଠକ କରୁଥିବାର ନଜର ଆସିଛନ୍ତି | ସୂଚନାନୁସାରେ, ମୌସୁମୀ ଅଧିବେଶନ ପରେ ଉପମୁଖ୍ୟମନ୍ତ୍ରୀଙ୍କ ବାସଭବନକୁ କିଛି ଲୋକ ଆସିଥିଲେ | ଏହି ସମୟରେ ଜଣେ ବୃଦ୍ଧ ମଧ୍ୟ ତାଙ୍କୁ ଭେଟିବାକୁ ଆସିଥିଲେ।

सदन की कार्यवाही,बाद में अधिकारियों की मीटिंग बुलाई,
शाम को सुनी जनसमस्याएं, फिर ताऊ के साथ पुश अप लगाई।

मेरे हरियाणे के बुजुर्गों की हाज़िरजवाबी और चुस्ती का कोए मुक़ाबला नहीं । pic.twitter.com/H6WBgVfJFp

— Dushyant Chautala (@Dchautala) August 28, 2023

ବାର୍ତ୍ତାଳାପ ପରେ ବୃଦ୍ଧଙ୍କ ଫୁର୍ତ୍ତି ଦେଖି ତାଙ୍କ ସହ କସରତ କରିବାକୁ ଦୁଷ୍ୟନ୍ତ ଆଗ୍ରହ ପ୍ରକାଶ କରିଥିଲେ | ଆଉ ବୃଦ୍ଧ ଜଣକ ବି ମନା ନ କରି କସରତ କରିବାକୁ ଆଗେଇ ଆସିଥିଲେ | ବାସ ତା ପରେ ବୃଦ୍ଧ ଜଣକ ଦଣ୍ଡବୈଠକ ମାରି ହାଲିଆ ହୋଇନଥିଲେ ବି ଉପମୁଖ୍ୟମନ୍ତ୍ରୀ ହାଲିଆ ହୋଇଯାଇଥିଲେ | ବାଧ୍ୟ ହୋଇ ସେ ବୃଦ୍ଧ ବ୍ୟକ୍ତିଙ୍କୁ ସେତିକି ଥାଉ ବୋଲି କହିଥିଲେ | ତଥାପି ବି ବୃଦ୍ଧ ବ୍ୟକ୍ତି ଦଣ୍ଡବୈଠକ ଜାରି ରଖିଥିଲେ | ଏହି ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି | ଏହି ବୟସରେ ବୃଦ୍ଧଙ୍କ ଫିଟନେସକୁ ଦେଖି ଉପ ମୁଖ୍ୟମନ୍ତ୍ରୀଙ୍କ ସହିତ ସେଠାରେ ଉପସ୍ଥିତ ଥିବା ଅଧିକାରୀମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ।