ଇସ୍ତଫା ଗ୍ରହଣ କରା ନଯିବାରୁ ସୁପ୍ରିମ କୋର୍ଟର ଦ୍ୱାରସ୍ଥ ହେଲେ ୫ଜଣ କଂଗ୍ରେସ ବିଧାୟକ
ବେଙ୍ଗାଲୁରୁ : ବାଚସ୍ପତି ଇସ୍ତଫା ପତ୍ର ଗ୍ରହଣ କରୁ ନଥିବାରୁ କଂଗ୍ରେସର ପାଞ୍ଚ ଜଣ ବିଧାୟକ ଶନିବାର ସୁପ୍ରିମ କୋର୍ଟର ଦ୍ୱାରସ୍ଥ ହୋଇଛନ୍ତି । ଅଯୋଗ୍ୟ ଘୋଷିତ କରିବାର ଧମକ ଦେଇ ସେମାନଙ୍କୁ ସରକାରକୁ ସମର୍ଥନ କରିବାକୁ ବାଧ୍ୟ କରାଯିବା ସହ ବାଚସ୍ପତି କେ.ଆର୍. ରମେଶ କୁମାର ତାଙ୍କ ଇସ୍ତଫା ଗ୍ରହଣ କରୁ ନଥିବା ଅଭିଯୋଗ କରିଛନ୍ତି ୫ଜଣ ବିଧାୟକ । ପିଟିସନ ଦାୟର କରିଥିବା ୫ଜଣ ବିଧାୟକ ହେଲେ ଆନନ୍ଦ କୁମାର, କେ ସୁଧାକର, ଏନ୍ ନାଗାରାଜୁ, କୁନିରଥନା ଏବଂ ରୋଶନ ବେଗ୍ ।
Sambad is now on WhatsApp
Join and get latest news updates delivered to you via WhatsApp
୫ଜଣଙ୍କ କହିବା ଅନୁଯାୟୀ, ଯେତେବେଳେ ଆମେ ଇସ୍ତଫା ପତ୍ର ଦେଇଥିଲୁ, ସେ ସମୟରେ ଅଯୋଗ୍ୟ ଘୋଷିତ କରାଯିବାର କୌଣସି ଯୋଜନା ନଥିଲା । କିନ୍ତୁ ଦଳରୁ ଏତେ ସଂଖ୍ୟକ ବିଧାୟକମାନେ ଇସ୍ତଫା ଦେଉଥିବା ଦେଖି ସେମାନଙ୍କୁ ଡ଼ରାଇବା ପାଇଁ ଦଳ ଏଭଳି ବାଟ ଆପଣାଇଛି । ଗୋଟେ ପଟେ ବାଚସ୍ପତି ଇସ୍ତଫା ଗ୍ରହଣ କରୁ ନଥିବା ବେଳେ ଅନ୍ୟ ପଟେ ବିଧାୟକମାନଙ୍କୁ ଅଯୋଗ୍ୟ ଘୋଷଣା କରାଯିବାର ଧମକ ଦିଆ ଯାଉଛି । କିଛି ବିଧାୟକ ଜୁଲାଇ ୧୦ ତାରିଖରେ ଇସ୍ତଫା ଦେବା ପାଇଁ ବିଧାନସଭାରେ ପହଞ୍ଚିଥିବା ବେଳେ ସେମାନଙ୍କୁ ଅଟକାଇ ମାଡ଼ ମରାଯାଇଥିଲା । ପରେ ପୁଲିସର ସହାୟତାରେ ସେମାନଙ୍କୁ ବାହାରକୁ ଅଣା ଯାଇଥିଲା ।