ସେପ୍ଟେମ୍ବର ୧ରୁ ବଢ଼ିବ ବିମାନ ଟିକେଟର ଦାମ, ଘୋଷଣା କଲା ବେସାମରିକ ବିମାନ ଚଳାଚଳ ମନ୍ତ୍ରାଳୟ

ନୂଆଦିଲ୍ଲୀ: ଆସନ୍ତା ମାସରୁ ଘରୋଇ ତଥା ଆନ୍ତର୍ଜାତୀୟ ଯାତ୍ରୀଙ୍କ ଉପରେ ଆଦାୟ ହେଉଥିବା ବିମାନ ସୁରକ୍ଷା ଶୁଳ୍କ (ଏଏସଏଫ) ବୃଦ୍ଧି ପାଇବ | ଏ ନେଇ ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ଆଜି ଘୋଷଣା କରାଯାଇଛି | ସେପ୍ଟେମ୍ବର ୧ରୁ ଏହି ନିୟମ ଲାଗୁ ହେବ | ବର୍ତ୍ତମାନ ଘରୋଇ ଯାତ୍ରୀଙ୍କଠାରୁ ଏଏସଏଫ ପାଇଁ୧୫୦ ଟଙ୍କା ଆଦାୟ କରାଯାଉଥିବା ବେଳେ ସେପ୍ଟେମ୍ବର ୧ରୁ ଏହା ୧୬୦ ଟଙ୍କାକୁ ବୃଦ୍ଧି ପାଇବ | ଏହା ସହ ଆନ୍ତର୍ଜାତୀୟ ଯାତ୍ରୀଙ୍କ ପାଇଁ ବର୍ତ୍ତମାନ ୪.୮୫ ଡଲାର ଥିବା ବେଳେ ସେପ୍ଟେମ୍ବର ୧ରୁ ଏହାକୁ ୫.୨ ଡଲାରକୁ ବୃଦ୍ଧି କରାଯିବ। ଘରୋଇ ତଥା ଆନ୍ତର୍ଜାତୀୟ ଟିକେଟ୍ ଉପରେ ବର୍ଦ୍ଧିତ ଏଏସଏଫ ଆସନ୍ତା ମାସ ତଥା ସେପ୍ଟେମ୍ବର ୧ରୁ କାର୍ଯ୍ୟକାରୀ ହେବ ବୋଲି ସୂଚନା ମିଳିଛି |

ସୂଚନା ମୁତାବକ, ବିଭିନ୍ନ ବିମାନ କମ୍ପାନି ଦ୍ୱାରା ଯାତ୍ରୀଙ୍କଠାରୁ ଏଏସଏଫ ଫି ଆଦାୟ କରାଯାଏ, ଯାହା ପରେ ସରକାରଙ୍କୁ ଦିଆଯାଏ | ଏଏସଏଫ ଶୁଳ୍କରୁ ମିଳିଥିବା ଅର୍ଥ ଭାରତର ବିମାନବନ୍ଦରଗୁଡିକର ସୁରକ୍ଷା ପାଇଁ ବ୍ୟବହୃତ ହୁଏ |

Telecom Commission permits usage of in-flight mobile services ...
Times of India

କରୋନାଭାଇରସ୍ ମହାମାରୀକୁ ଦୃଷ୍ଟିରେ ରଖି ଭାରତ ତଥା ଅନ୍ୟାନ୍ୟ ଦେଶରେ ଲାଗୁ ହୋଇଥିବା ଯାତ୍ରା ପ୍ରତିବନ୍ଧକ ଯୋଗୁଁ ବିମାନ ଚଳାଚଳ କ୍ଷେତ୍ର ଯଥେଷ୍ଟ ପ୍ରଭାବିତ ହୋଇଛି। ଭାରତର ସମସ୍ତ ଏୟାରଲାଇନ୍ସ ଟଙ୍କା ସଂରକ୍ଷଣ କରିବା ପାଇଁ ଦରମା କାଟିବା, ବିନା ଦରମାରେ କର୍ମଚାରୀଙ୍କୁ ବାଧ୍ୟତାମୂଳକ ଛୁଟି ଦେବା ଏବଂ କର୍ମଚାରୀଙ୍କୁ ବହିଷ୍କାର କରିବା ଭଳି ପଦକ୍ଷପ ନେଉଛି।

ମାର୍ଚ୍ଚ ୨୩ରୁ କରୋନାଭାଇରସ୍ ମହାମାରୀ ହେତୁ ଉଭୟ ଘରୋଇ ଓ ଆନ୍ତର୍ଜାତୀୟ ଯାତ୍ରୀ ବିମାନ ଉଡ଼ାଣକୁ ସ୍ଥଗିତ କରିଥିଲା ଭାରତ | ମେ’ ୨୫ରେ ଘରୋଇ ଯାତ୍ରୀବାହୀ ବିମାନ ଚଳାଚଳ ଆରମ୍ଭକୁ ଅନୁମତି ମିଳିଥିବା ବେଳେ ଏ ପର୍ଯ୍ୟନ୍ତ ଆନ୍ତର୍ଜାତୀୟ ଯାତ୍ରୀ ବିମାନ ସେବା ଆରମ୍ଭ ହୋଇପାରିନାହିଁ |

ସମ୍ବନ୍ଧିତ ଖବର