ବେଙ୍ଗାଲୁରୁ: ପାଣି.. ପାଣି.. ପାଣି.. ଚାରିଆଡେ ପାଣି । ରାସ୍ତାରେ, ଘରେ, ଅଫିସରେ ସବୁଠି ପଶିଛି ପାଣି । ଲଗାଣ ବର୍ଷା ପରେ କର୍ଣ୍ଣାଟକର ସ୍ଥିତି ସାଙ୍ଘାତିକ ହୋଇଛି । ବର୍ଷାରେ ସବୁଠାରୁ ଅଧିକ ପ୍ରଭାବିତ ହୋଇଛି ମାଙ୍ଗାଲୋର ସହର । ସ୍ଥିତି ଏମିତି ହୋଇଛି ବନ୍ୟା ଭଳି ପରିସ୍ଥିତି ଉପୁଜିଛି । ଜଳର ତାଣ୍ଡବ ପାଇଁ ଲୋକେ ନାହିଁ ନଥିବା ସମସ୍ୟା ଭୋଗୁଛନ୍ତି ।

Advertisment

ତେବେ ପ୍ରବଳ ବର୍ଷା ପରେ ରାସ୍ତା ନଈ ପାଲଟିଛି । କାର୍ ବୁଡିଛି, ବାଇକ୍ ଭାସି ଯାଇଛି, ଅଫିସରେ ପାଣି ପଶିଯାଇଛି । ପାଣିର ସୁଅ ଚାଲୁଥିବାରୁ ବିଭିନ୍ନ ଘର ଜଳବନ୍ଦୀ ହୋଇଛି ଆଉ ବାହ୍ୟ ଜଗତ ଠାରୁ ବିଚ୍ଛିନ୍ନ ହୋଇଛି । ରାସ୍ତା, ନଦୀ, ପୋଖରୀ ସବୁ ଏକାକାର ହେଇଯାଇଛି ।

ତେବେ ଲଗାଣ ବର୍ଷା ପରେ ଭୂସ୍ଖଳନ ହୋଇଛି । ପାହାଡ ଧସିବା କାରଣରୁ ଜାତୀୟ ରାଜପଥ ବନ୍ଦ ହୋଇଛି । ପାଣିପାଗ ବିଭାଗ ପକ୍ଷରୁ ୬ରୁ ଅଧିକ ଜିଲ୍ଲାରୁ ଆଲର୍ଟ ଜାରି କରାଯାଇଛି ।