ସାମ୍ନାକୁ ଆସିଲା ଦୁର୍ଘଟଣାର ସାଂଘାତିକ ଭିଡିଓ, ଚାଳକଙ୍କ ଆଖି ଲାଗିଯିବା ହେତୁ ଗାଡି ୨୦ଫୁଟ ଉପରକୁ ଉଠିଗଲା, ଚାଳକଙ୍କ ଅବସ୍ଥା କିପରି ଅଛି ଜାଣନ୍ତୁ

ନୂଆଦିଲ୍ଲୀ: ବିଏମଡବ୍ଲୁ କାର ଦୁର୍ଘଟଣାର ଏକ ସାଂଘାତିକ ଚିତ୍ର ସାମ୍ନାକୁ ଆସିଛି। ଏପରି ଏକ ଦୁର୍ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ, ଏକ ବିଏମଡବ୍ଲୁ କାର ରୋଡ ବେରିୟର ସହ ଧକ୍କା ହୋଇ ଏକ ସୁଡଙ୍ଗ ଉପରକୁ ଉଡି ଉଡି ଯାଉଛି । ଏହି ଭିଡିଓକୁ ସ୍ଲୋଭାକିଆ ପୁଲିସ ପକ୍ଷରୁ ଜାରି କରାଯାଇଛି।

ଆଶ୍ଚର୍ଯ୍ୟର କଥା ହେଉଛି କାର ଚଳାଉଥିବା  ୪୪ ବର୍ଷୀୟ ଡ୍ରାଇଭରଙ୍କୁ ଏହି ଦୁର୍ଘଟଣାରେ କୌଣସି ପ୍ରକାର କ୍ଷତି ପହଞ୍ଚି ନାହିଁ।  ଏପରିକି ତାଙ୍କ ସ୍ୱାସ୍ଥ୍ୟ ପରୀକ୍ଷା ପରେ ତାଙ୍କ ଶରୀରରେ ଆଲକହଲ ନଥିବା ମଧ୍ୟ ଜଣାପଡିଛି । ତେବେ ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଗାଡି ଚଳାଇବା ସମୟରେ ଡ୍ରାଇଭରଙ୍କୁ ହଠାତ ନିଦ ଆସିଯାଇଥିଲା, ଯେଉଁ କାରଣରୁ ଏପରି ସାଂଘାତିକ ଦୁର୍ଘଟଣା ଘଟିଛି । ଦୁର୍ଘଟଣା ପରେ କାରଟି ପାଖାପାଖି ୨୦ ଫୁଟ୍‌ ଉପରକୁ ଚାଲିଯାଇଥିଲା। ଏହି ଘଟଣା ଉତ୍ତର-ପୂର୍ବ ସ୍ଲୋଭାକିଆର ପୋପରାଡ ନାମକ ସ୍ଥାନରେ ଥିବା ବୋରିକ୍‌ ସୁଡଙ୍ଗରେ ଘଟିଥିବା ଜଣାପଡ଼ିଛି। ଦୁର୍ଘଟଣାରେ କାରଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି।

ସମ୍ବନ୍ଧିତ ଖବର