ଅର୍ଥମନ୍ତ୍ରୀ ସୀତାରମଣ ସଂସଦରେ ବଜେଟ ଉପସ୍ଥାପନ କରୁଥିବା ବେଳେ ଦର୍ଶକ ଗ୍ୟାଲେରିରେ ବସି ଦେଖୁଥିଲେ ଝିଅ
ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ସଂସଦରେ ୨୦୨୩-୨୪ ଆର୍ଥିକ ବର୍ଷ ପାଇଁ ପୂର୍ଣ୍ଣାଙ୍ଗ ବଜେଟ ଉପସ୍ଥାପନ କରୁଥିବା ବେଳେ ତାଙ୍କ ଝିଅ ଏବଂ ସମ୍ପର୍କୀୟମାନେ ଲୋକସଭାର ପରିଦର୍ଶକ ଗ୍ୟାଲେରିରେ ବସି ଦେଖୁଥିଲେ।
Sambad is now on WhatsApp
Join and get latest news updates delivered to you via WhatsApp
ନରେନ୍ଦ୍ର ମୋଦୀ ସରକାରଙ୍କ ଦ୍ୱିତୀୟ ପାଳିର ଶେଷ ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପିତ ହୋଇଥିବାରୁ ପରିଦର୍ଶକ ଗ୍ୟାଲେରି ଆଜି ଭରପୂର ଥିଲା। ଉପସ୍ଥିତ ଥିବା ଦର୍ଶକଙ୍କ ମଧ୍ୟରେ ଅର୍ଥମନ୍ତ୍ରୀ ସୀତାରମଣଙ୍କ ଝିଅ ବନଗମୟୀ ପରାକାଲା ଏବଂ ତାଙ୍କର ଅନେକ ସମ୍ପର୍କୀୟ ଥିଲେ। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏବଂ ଅନେକ ରାଜ୍ୟସଭା ସଦସ୍ୟ ମଧ୍ୟ ଉପସ୍ଥିତ ଥିଲେ ଏବଂ ବିଭିନ୍ନ ପ୍ରସ୍ତାବ ଘୋଷଣା ହୋଇଥିବାରୁ ସେଗୁଡ଼ିକୁ ବସି ନୋଟ୍ କରୁଥିବା ଦେଖିବାକୁ ମିଳିଥିଲା।
ନିଜ ବଜେଟ୍ ଅଭିଭାଷଣରେ ଅର୍ଥମନ୍ତ୍ରୀ ସୀତାରମଣ କହିଛନ୍ତି ଯେ ବିଶ୍ୱ ଅନିଶ୍ଚିତତା ସତ୍ତ୍ୱେ ଦେଶ ସୁସ୍ଥ ଅର୍ଥନୈତିକ ଅଭିବୃଦ୍ଧି ରେକର୍ଡ କରୁଥିବାରୁ ବିଶ୍ୱ ଭାରତୀୟ ଅର୍ଥନୀତିକୁ ଏକ ଉଜ୍ଜ୍ୱଳ ତାରକା ଭାବରେ ସ୍ୱୀକୃତି ଦେଇଛି। ଚଳିତ ଆର୍ଥିକ ବର୍ଷରେ ଭାରତର ଅଭିବୃଦ୍ଧି ପ୍ରମୁଖ ଅର୍ଥବ୍ୟବସ୍ଥା ମଧ୍ୟରେ ସର୍ବାଧିକ ରହିଛି ଏବଂ ଭାରତୀୟ ଅର୍ଥନୀତି ସଠିକ୍ ରାସ୍ତାରେ ଚାଲିଛି ବୋଲି ସେ କହିଛନ୍ତି। ସ୍ୱାଧୀନତାର ୭୫ତମ ବର୍ଷରେ ବିଶ୍ୱ ଭାରତକୁ ଏକ ଉଜ୍ଜ୍ୱଳ ତାରକା ଭାବେ ସ୍ୱୀକୃତି ଦେବା ସହ ବିଶ୍ୱ ଦେଶର ସଫଳତାକୁ ପ୍ରଶଂସା କରୁଛି ବୋଲି ଅର୍ଥମନ୍ତ୍ରୀ କହିଥିଲେ।