ନୀତି ସଂହିିତା ପାଳନ କରିବାକୁ ଓଟିଟି ପ୍ଲାଟ୍‌ଫର୍ମକୁ ନିର୍ଦ୍ଦେଶ ଦେଲା କେନ୍ଦ୍ର

ନୂଆଦିଲ୍ଲୀ: ରଣବୀର ଆଲ୍ଲାବାଦିଆଙ୍କ ମାମଲା ପରେ ସୋସିଆଲ୍ ମିଡିଆ ଚ୍ୟାନେଲ୍ ଏବଂ ଓଟିଟି ୱେବସାଇଟ୍ ଗୁଡ଼ିକୁ ଗୁରୁବାର ଦିନ ଆଇଟି ନିୟମ (୨୦୨୧)କୁ ପାଳନ କରିବାକୁ ଏବଂ ଆତ୍ମ-ନିୟନ୍ତ୍ରଣ ପାଇଁ ଚେତାବନୀ ଦିଆଯାଇଛି। କ୍ରିଏଟର୍‌ମାନେ ଅନୁପଯୁକ୍ତ ବିଷୟବସ୍ତୁ ବ୍ୟବହାର ନକରିବା ପାଇଁ "ଏ" ମୂଲ୍ୟାଙ୍କିତ ବିଷୟବସ୍ତୁ ପାଇଁ ପ୍ରବେଶ ନିୟନ୍ତ୍ରଣ" କାର୍ଯ୍ୟକାରୀ କରିବାକୁ କୁହାଯାଇଛି।

ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ଏହି ବିଜ୍ଞପ୍ତି ଷ୍ଟାଣ୍ଡ-ଅପ୍ କମେଡି ସୋ 'ଇଣ୍ଡିଆଜ୍ ଗଟ୍ ଲାଟେଣ୍ଟ୍'ର ଏକ ଏପିସୋଡ୍ ସମୟରେ ପୋଡକାଷ୍ଟର ରଣବୀର ଆଲ୍ଲାବାଦିଆ ଦେଇଥିବା ଏକ ଅଶ୍ଳୀଳ ମନ୍ତବ୍ୟକୁ ନେଇ ବିବାଦ ମଧ୍ୟରେ ଆସିଛି। 

ବିଜ୍ଞପ୍ତିରେ କୁହାଯାଇଛି ଯେ ଏହା ଓଟିଟି ପ୍ଲାଟଫର୍ମ ଏବଂ ସୋସିଆଲ ମିଡିଆର କିଛି କଣ୍ଟେଣ୍ଟ କ୍ରି‌ଏଟର୍‌ଙ୍କ ଦ୍ୱାରା ପ୍ରକାଶିତ ଅଶ୍ଳୀଳ ବିଷୟବସ୍ତୁର ପ୍ରସାରକୁ ରୋକିବ।

ସରକାର ଜୋର ଦେଇଛନ୍ତି ଯେ ଆଇନ ଅନୁଯାୟୀ ଓଟିଟି ପ୍ଲାଟଫର୍ମଗୁଡ଼ିକ "ଆଇନ ଦ୍ୱାରା ନିଷିଦ୍ଧ କୌଣସି ବିଷୟବସ୍ତୁ ପ୍ରସାରଣ ନକରିବା (ଏବଂ) ବିଷୟବସ୍ତୁର ବୟସ-ଭିତ୍ତିକ ବର୍ଗୀକରଣ କରିବା ଆବଶ୍ୟକ।"