ଏସବୁ ରୋଗ ଥିଲେ ନେଇପାରିବେନି ବୁଷ୍ଟର ଡୋଜ, ଟିକା ନେବା ପାଇଁ ଦେବାକୁ ପଡିବ ମେଡିକାଲ ସାର୍ଟିଫିକେଟ

ନୂଆଦିଲ୍ଲୀ: କୋଭିଡ୍‌-୧୯ ‘ବୁଷ୍ଟର୍‌ ଡୋଜ୍‌’ ବା ‘ପ୍ରିକସ୍‌ନାରି ଡୋଜ୍‌’ ଟିକାକୁ ଭାରତ ଅନୁମୋଦନ କରିଛି। ଏହି ଟିକା ଜାନୁଆରି ୧୦ ତାରିଖରୁ ସ୍ବାସ୍ଥ୍ୟସେବା ଏବଂ ଆକ୍ରାନ୍ତମାନଙ୍କ ସହ ପ୍ରତ୍ୟକ୍ଷ ସଂସ୍ପର୍ଶରେ ଆସୁଥିବା ବ୍ୟକ୍ତି ଏବଂ ଅନ୍ୟାନ୍ୟ ରୋଗ ଥିବା ୬୦ ବର୍ଷରୁ ଊର୍ଦ୍ଧ୍ବ ବୟସ୍କ ବ୍ୟକ୍ତିଙ୍କୁ ଦିଆଯିବ ବୋଲି ଶନିବାର ଦିନ ପ୍ରଧାନମନ୍ତ୍ରୀ କହିଥିଲେ। ତେବେ କୋୱିନ୍ ପୋର୍ଟାଲର ମୁଖ୍ୟ ତଥା ସିଇଓ ଡ.ଆର.ଏସ୍ ଶର୍ମା କହିଛନ୍ତି ଯେ କୋଭିଡ -୧୯ ର ବୁଷ୍ଟର ଡୋଜ ପାଇଁ ଯୋଗ୍ୟ ବ୍ୟକ୍ତିଙ୍କୁ ଡାକ୍ତରୀ ପ୍ରମାଣପତ୍ର ଦେବାକୁ ପଡିବ |

ଡାକ୍ତରୀ ସାର୍ଟିଫିକେଟ୍ ମାଧ୍ୟମରେ ସେମାନଙ୍କୁ ସାବ୍ୟସ୍ତ କରିବାକୁ ହେବ ଯେ ସେମାନେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ଏବଂ ସେମାନଙ୍କର ଏହି ସବୁ ରୋଗ ନାହିଁ, ଯାହା ସ୍ୱାସ୍ଥ୍ୟ ମନ୍ତ୍ରାଳୟ ଏହାର ତାଲିକାରେ ଅନ୍ତର୍ଭୁକ୍ତ କରିଛି |

ବାସ୍ତବରେ, ସ୍ୱାସ୍ଥ୍ୟ ମନ୍ତ୍ରାଳୟ ଏହାର ତାଲିକାରେ ୨୦ଟି ରୋଗକୁ ତାଲିକାଭୁକ୍ତ କରିଛି | ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଯେଉଁ ସବୁ ରୋଗକୁ ସାମିଲ କରାଯାଇଛି ତାହାରି ମଧ୍ୟରେ ମଧୁମେହ, ସ୍ଟେମ ସେଲ ପ୍ରତିରୋପଣ, କିଡ଼ନୀ ସମସ୍ୟା ବା ଡାଏଲିସିସ ନେଉଥିଲେ, ଷ୍ଟେରଏଡ ବ୍ୟବହାର କରୁଥିଲେ, କରୋନା ଟିକା ନେବା ପୂର୍ବରୁ ଡାକ୍ତରଙ୍କ ପରାମର୍ଶ ନେବାକୁ କୁହାଯାଇଛି। ଟିକା ନେବା ପୂର୍ବରୁ କୌଣସି ପଞ୍ଜିକୃତ ଡାକ୍ତରଙ୍କ ପାଖରୁ ମେଡିକାଲ ସାର୍ଟିଫିକେଟ ଆଣି ଏହାକୁ କୋଭିଡ୍ ୨.୦ ରେ ଅପଲୋଡ୍ କରିବାକୁ ପଡିବ | ନଚେତ ଏହାର ହାର୍ଡ କପି ମଧ୍ୟ ସିଧାସଳଖ ହିତାଧିକାରୀ ଟିକାକରଣ କେନ୍ଦ୍ରକୁ ନେଇ ଆସିପାରିବେ |

ଉଲ୍ଲେଖଯୋଗ୍ୟ, ‘ବୁଷ୍ଟର୍‌ ଡୋଜ୍‌’ ଭାବେ ଭାରତରେ କେଉଁ ଟିକା ଦିଆଯିବ ତାହା ସ୍ପଷ୍ଟ ହୋଇନାହିଁ। ମାତ୍ର, ଆମେରିକାରେ ଯେକୌଣସି ଅନୁମୋଦିତ ଟିକାକୁ ‘ବୁଷ୍ଟର୍‌ ଡୋଜ୍‌’ ଭାବେ ଦିଆଯାଇ ପାରିବ ବୋଲି  ‘ଦି‌ ସେଣ୍ଟର୍ ଫର୍‌ ଡିଜିଜ୍‌ କଣ୍ଟ୍ରୋଲ୍‌ ଏବଂ ପ୍ରିଭେନ୍‌ସନ୍‌’ (ସିଡିସି) ଅନୁମତି ଦେଇଛି। କିନ୍ତୁ, ପୂର୍ବରୁ ‘ଫାଇଜର୍‌-ବାୟୋଏନ୍‌ଟେକ୍‌’ ଟିକା ନେଇଥିବା ୧୬/୧୭ ବର୍ଷର ପିଲାମାନେ ସେହି ଟିକାକୁ ହିଁ ‘ବୁଷ୍ଟର୍‌ ଡୋଜ୍‌’ ଭାବେ ନେବାକୁ ସୁପାରିସ କରାଯାଇଛି।