ନୂଆଦିଲ୍ଲୀ : ଦେଶରେ ଚାଲିଥିବା ବଳପୂର୍ବକ ଧର୍ମାନ୍ତରୀକରଣକୁ ନେଇ କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି ସୁପ୍ରିମକୋର୍ଟ । ଏହା ଏକ ଗୁରୁତର ପ୍ରସଙ୍ଗ ଓ ଏହା ସ୍ବାଧୀନଭାବେ ଧର୍ମଗ୍ରହଣ ଓ ଧର୍ମବିଶ୍ବାସ କରିବା, ଦେଶର ନିରାପତ୍ତାକୁ ପ୍ରଭାବିତ କରିପାରେ ବୋଲି ସୁପ୍ରିମକୋର୍ଟ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଦେଶରେ ଲୋକମାନଙ୍କୁ ପ୍ରଲୋଭିତ କରି ଅଥବା ଭୟ ଦେଖାଇ କରାଯାଉଥିବା ଧର୍ମାନ୍ତରୀକରଣ ବିରୋଧରେ ଆଗତ ଏକ ଜନସ୍ବାର୍ଥ ମାମଲାର ବିଚାର କରି ଜଷ୍ଟିସ ଏମଆର ଶାହ ଓ ହିମା କୋହଲିଙ୍କୁ ନେଇ ଗଠିତ ଖଣ୍ଡପୀଠ ଏହି ମତ ଦେଇଛନ୍ତି । ସ୍ଥିତି ଆହୁରି ଖରାପ ହେବା ପୂର୍ବରୁ କେନ୍ଦ୍ର ଓ ରାଜ୍ୟ ସରକାର ହସ୍ତକ୍ଷେପ କରିବା ଆବଶ୍ୟକ ବୋଲି ଖଣ୍ଡପୀଠ କହିଛନ୍ତି ।
ଜଷ୍ଟିସ ଏମଆର ଶାହା କହିଛନ୍ତି ଯେ ବଳପୂର୍ବକ ଧର୍ମାନ୍ତରୀଣକରଣ ଦେଶର ନିରାପତ୍ତାକୁ ବି ପ୍ରଭାବିତ କରିପାରେ । ଏଣୁ ଏଗୁଡ଼ିକୁ ରୋକିବାକୁ ସରକାର କଣ କରୁଛନ୍ତି, ସେ ସମ୍ପର୍କରେ ନିଜର ସ୍ଥିତି ସ୍ପଷ୍ଟ କରିବା ଆବଶ୍ୟକ ବୋଲି ସେ କହିଛନ୍ତି ।
ଏହି ମାମଲାର ଅନ୍ୟତମ ପିଟିସନକାରୀ ଆଡଭୋକେଟ ଅଶ୍ବୀନି ଉପାଧ୍ୟାୟ କହିଛନ୍ତି ଯେ ଏହା ଏକ ନିର୍ଦିଷ୍ଟ ଅଂଚଳର ସମସ୍ୟା ନୁହେଁ, ବରଂ ସାରା ଦେଶର ସମସ୍ୟା । ଏଣୁ ସରକାର ଏହାକୁ ରୋକିବାକୁ ଏକ ସ୍ବତନ୍ତ୍ର ଆଇନ ପ୍ରଣୟନ କରନ୍ତୁ ଅଥବା ଆଇପିସିରେ ଏକ ଧାରା ଯୋଗ କରନ୍ତୁ ।