କାବୁଲ : ଆଫଗାନିସ୍ତାନରେ ତାଲିବାନ କ୍ଷମତାକୁ ଫେରିବା ପରେ ଏହି ଦେଶଟି ଏକ ବଡ଼ ଆର୍ଥିକ ଓ ସାମାଜିକ ସଂକଟ ମଧ୍ୟକୁ ଠେଲିହୋଇଯାଇଛି । ଆର୍ଥକ ସଂକଟ ଯୋଗୁଁ ଅନେକ ଲୋକ ଦୁଇଓଳି ଖାଦ୍ୟ ପାଇଁ ମଧ୍ୟ ସଂଘର୍ଷ କରୁଛନ୍ତି । ଏପରିକି ପୂର୍ବ ସରକାର ଅମଳରେ ଭଲ ଆୟ କରୁଥିବା ଲୋକମାନେ ଏବେ ଭିକାରି ପାଲଟିଯାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଫଗାନ ଲୋକମାନେ କେତେବଡ଼ ମାନବୀୟ ସଂକଟର ସାମନା କରୁଛନ୍ତି ତାହା ଏହି ଗୋଟିଏ ଘଟଣାରୁ ଅନୁମାନ କରିପାରିବେ । ପୂର୍ବରୁ ବିଭିନ୍ନ ଚ୍ୟାନେଲରେ ନ୍ୟୁଜ ଆଙ୍କର ଭାବେ କାମ କରିଥିବା ଜଣେ ସାମ୍ବାଦିକ ଏବେ ଦାଣ୍ଡର ଭିକାରୀ ପାଲଟି ଯାଇଛନ୍ତି । ତାଙ୍କ ନାଁ ହେଉଛି ମୁସା ମହମ୍ମଦି । ନିଜର ଗୁଜୁରାଣ ମେଣ୍ଟାଇବାକୁ ତାଙ୍କ ଏବେ କାବୁଲର ରାସ୍ତାରେ ଖାଦ୍ୟ ବିକିବାକୁ ପଡ଼ୁଛି । ତାଙ୍କର ଏହି ସଂଘର୍ଷକୁ ଏକ ଟୁଇଟ ମାଧ୍ୟମରେ ଜଣାଇଛନ୍ତି କବୀର ହକମଲ ନାମକ ଜଣେ ପୂର୍ବତନ ସରକାରୀ କର୍ମଚାରୀ ।
Journalists life in #Afghanistan under the #Taliban. Musa Mohammadi worked for years as anchor & reporter in different TV channels, now has no income to fed his family. & sells street food to earn some money. #Afghans suffer unprecedented poverty after the fall of republic. pic.twitter.com/nCTTIbfZN3
— Kabir Haqmal (@Haqmal) June 15, 2022
ଏହି ଟୁଇଟ ପରେ ମହମ୍ମଦିଙ୍କ ସଂଘର୍ଷ କାହାଣୀ ଇଣ୍ଟରନେଟରେ ଭାଇରାଲ ହେବାରେ ଲାଗିଛି । ଏପରିକି ଆଫଗାନିସ୍ତାନର ଜାତୀୟ ରେଡିଓ ଓ ଟେଲିଭିଜନର ମହାନିର୍ଦ୍ଦେଶକ ଅହମ୍ମଦୁଲ୍ଲା ଓ୍ବାସିକ ତାଙ୍କୁ ନିଯୁକ୍ତି ଦେବାକୁ ଘୋଷଣା କରିଛନ୍ତି ।
ଗତ ବର୍ଷ ଅଗଷ୍ଟ ମାସରେ ଆଫଗାନିସ୍ତାରେ ତାଲିବାନ ଶାସନ ଆରମ୍ଭ ହୋଇଥିଲା । ଏହା ପରେ ତାଲିବାନ ପକ୍ଷରୁ ଗଣମାଧ୍ୟମ ଉପରେ କଠୋର କଟକଣା ଲଗାଯାଇଛି । ଏହା ଫଳରେ ଅନେକ ଗଣମାଧ୍ୟମ ସଂସ୍ଥା ବନ୍ଦ ହୋଇଯାଇଛି ଓ ଅନେକ ସାମ୍ବାଦିକ ନିଯୁକ୍ତି ହରାଇଛନ୍ତି ।