ଆସାମରୁ ମୁଖ୍ୟମନ୍ତ୍ରୀ ଆସନ ପାଇଁ ଲଢ଼ିବେ ସୁପ୍ରିମକୋର୍ଟର ପୂର୍ବତନ ମୁଖ୍ୟ ବିଚାରପତି ରଞ୍ଜନ ଗୋଗଇ !
ନୂଆଦିଲ୍ଲୀ: ଭାରତୀୟ ଜନତା ପାର୍ଟି ସୁପ୍ରିମକୋର୍ଟର ପୂର୍ବତନ ମୁଖ୍ୟ ବିଚାରପତି ଜଷ୍ଟିସ ରଞ୍ଜନ ଗୋଗଇଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବରେ ମଇଦାନକୁ ଓହ୍ଲାଇବାକୁ ଯାଉଛି । ଦଳ ତାଙ୍କୁ ଆସାମରେ ମୁଖ୍ୟମନ୍ତ୍ରୀ ପ୍ରାର୍ଥୀ କରିପାରେ ବୋଲି ଚର୍ଚ୍ଚା ହେଉଛି। ଆସାମର ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗଇ କହିଛନ୍ତି ଯେ, ଆସନ୍ତା ବର୍ଷର ବିଧାନସଭା ନିର୍ବାଚନରେ ସୁପ୍ରିମକୋର୍ଟର ପୂର୍ବତନ ମୁଖ୍ୟ ବିଚାରପତି ଜଷ୍ଟିସ ରଞ୍ଜନ ଗୋଗଇଙ୍କୁ ଭାରତୀୟ ଜନତା ପାର୍ଟି ପ୍ରାର୍ଥୀ କରିପାରେ। ମୁଁ ଜାଣିବାକୁ ପାଇଛି ଯେ, ରଞ୍ଜନ ଗୋଗଇଙ୍କ ନାମ ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ତାଲିକାରେ ଅଛି।
Sambad is now on WhatsApp
Join and get latest news updates delivered to you via WhatsApp
ତରୁଣ ଗୋଗଇ ଆହୁରିି ମଧ୍ୟ କହିଛନ୍ତି ଯେ, ପୂର୍ବତନ ମୁଖ୍ୟ ବିଚାରପତିଙ୍କୁ ରାଜ୍ୟସଭାକୁ ପଠାଯାଇଥିଲା। ବୋଧହୁଏ ଏହି କାରଣରୁ ସେ ଆସନ୍ତା ବର୍ଷ ନିର୍ବାଚନରେ ଆସାମର ମୁଖ୍ୟମନ୍ତ୍ରୀ ପ୍ରାର୍ଥୀ ହେବେ ବୋଲି ରାଜି ହୋଇଛନ୍ତି। ଗୋଗଇ କହିଛନ୍ତି ଯେ, ଏସବୁ ହେଉଛି ରାଜନୀତି। ଅଯୋଧ୍ୟା ରାୟ ଯୋଗୁଁ ରଞ୍ଜନ ଗୋଗଇଙ୍କ ଉପରେ ବିଜେପି ଖୁସି ଥିଲା। ଏହା ପରେ ସେ ପ୍ରଥମେ ରାଜ୍ୟସଭାର ସଦସ୍ୟତାକୁ ପର୍ଯ୍ୟାୟକ୍ରମେ ଗ୍ରହଣ କରି ରାଜନୀତିରେ ପ୍ରବେଶ କରିଥିଲେ। ସେ ସହଜରେ ମାନବ ଅଧିକାର ଆୟୋଗ କିମ୍ବା ଅନ୍ୟ କିଛି ସଂଗଠନର ଚେୟାରମ୍ୟାନ୍ ହୋଇପାରିଥାନ୍ତେ। କିନ୍ତୁ ତାଙ୍କର ରାଜନୈତିକ ଅଭିଳାଷ ରହିଛି, ସେଥିପାଇଁ ସେ ରାଜ୍ୟସଭାର ସଦସ୍ୟତା ଗ୍ରହଣ କରିଥିଲେ।