ବିହାରର ଦିବଙ୍ଗତ ମୁଖ୍ୟମନ୍ତ୍ରୀ ଜଗନ୍ନାଥ ମିଶ୍ରାଙ୍କ ଅନ୍ତିମ ସଂସ୍କାର ତୋପ ସଲାମୀ ସମୟରେ ଫୁଟିଲାନି ଗୁଳି !
ପାଟନା: ବିହାରର ୩ ଥର ମୁଖ୍ୟମନ୍ତ୍ରୀ ଦାୟିତ୍ବ ତୁଲାଇଥିବା ଥିବା ଜଗନ୍ନାଥ ମିଶ୍ରାଙ୍କ ଗତ ଅଗଷ୍ଟ ୧୯ତାରିଖରେ ଦିଲ୍ଲୀରେ ପରଲୋକ ହୋଇଥିଲା । ଗତକାଲି ତାଙ୍କର ପାର୍ଥିବ ଶରୀରକୁ ତାଙ୍କର ପୈତୃକ ଗ୍ରାମ ସୁପୌଲ ଜିଲ୍ଲା ଅନ୍ତର୍ଗତ ବଲୁଆରେ ଅନ୍ତିମ ସଂସ୍କାର କରାଯାଇଥିଲା । ଏହି ଅବସରରେ ଜଗନ୍ନାଥ ମିଶ୍ରାଙ୍କୁ ସଂପୂର୍ଣ୍ଣ ରୂପେ ରାଷ୍ଟ୍ରୀୟ ସମ୍ମାନର ସହିତ ବିଦାୟ ଦେବା ପାଇଁ ରାଜ୍ୟ ସରକାରଙ୍କ ପକ୍ଷରୁ ପ୍ରସ୍ତୁତି କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଏହି ଅନ୍ତିମ ସଂସ୍କାର ସମୟରେ ନିଜେ ମୁଖ୍ୟମନ୍ତ୍ରୀ ନୀତିଶ କୁମାର ଏବଂ ଉପ ମୁଖ୍ୟମନ୍ତ୍ରୀ ସୁଶୀଲ କୁମାର ମୋଦୀ ମଧ୍ୟ ଉପସ୍ଥିତ ଥିଲେ । ତାଙ୍କୁ ୨୧ଟି ବନ୍ଧୁକର ସଲାମି ଦିଆଯିବାର ବ୍ୟବସ୍ଥା ହୋଇଥିଲା, ମାତ୍ର ପୁଲିସ କର୍ମଚାରୀଙ୍କ ୨୧ଟି ବନ୍ଧୁକରୁ ଗୋଟିଏ ବି ଗୁଳି ଫୁଟି ନଥିଲା । ଏଭଳି ଘଟଣା ଦେଖି ପ୍ରଶାସନିକ ଅଧିକାରୀମାନେ ନିଜକୁ ଅପମାନିତ ମନେ କରିଥିଲେ ।
ଏହି ଘଟଣାପରେ ବିହାର ପୁଲିସକୁ ତୀବ୍ର ସମାଲୋଚନାର ଶିକାର ହେବାକୁ ପଡିଛି ।ଏହି ପ୍ରସଙ୍ଗରେ ସୁପୌଲ ଏସପି ଏମକେ ଚୌଧୁରୀ କହିଛନ୍ତି, ଗୁଳି ନ ଫୁଟିବା ଘଟଣାର ତଦନ୍ତ ହେବ । ଏହାପରେ ଅସଲ କଥା ସାମ୍ନାକୁ ଆସିବ ବୋଲି ସେ ସୂଚନା ଦେଇଛନ୍ତି।