କରୋନା ଆକ୍ରାନ୍ତ ହେଲେ ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ଶଙ୍କର ସିଂ ବାଘେଲା
ଅହମଦାବାଦ: ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ ଶଙ୍କର ସିଂ ବାଘେଲା ଶନିବାର କରୋନାଭାଇରସ୍ ପାଇଁ ପଜିଟିଭ୍ ପରୀକ୍ଷା କରିଛନ୍ତି। ତାଙ୍କର ସ୍ୱାବ ନମୁନା ରିପୋର୍ଟ ପଜିଟିଭ ଆସିବା ପରେ ଏବେ ତାଙ୍କୁ ଘରେ ଆଇସୋଲେସନରେ ରଖାଯାଇଛି | ଗତ ୨-୩ଦିନ ହେଲା ସେ ଜ୍ୱରରେ ପୀଡିତ ଥିଲେ ବୋଲି ତାଙ୍କ ଆଇଟି ଏବଂ ମିଡିଆ ଦାୟିତ୍ୱରେ ଥିବା ପରଥେସ ପଟେଲ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଗତ ତିନି ଦିନ ଧରି ଜ୍ୱରରେ ପୀଡିତ ଥିଲେ | ତେଣୁ ସ୍ପଷ୍ଟ ହେବା ପାଇଁ ତାଙ୍କର କୋଭିଡ-୧୯ ପରୀକ୍ଷା କରାଯାଇଥିଲା । ଏବେ ତାଙ୍କର ରିପୋର୍ଟ ପଜିଟିଭ ଆସିଛି | ରିପୋର୍ଟ ଆସିବା ପରେ ସେ ଗାନ୍ଧିନଗରରେ ଥିବା ତାଙ୍କ ଘରେ ଆଇସୋଲେସନ ରହିଥିବା ପଟେଲ କହିଛନ୍ତି।
ପଟେଲଙ୍କ କହିବା ଅନୁଯାଇ, ତାଙ୍କ ମଧ୍ୟରେ ଏକମାତ୍ର ଜ୍ୱରର ଲକ୍ଷଣ ଦେଖାଯାଇଥିଲା | ସେ କାହା ସଂସ୍ପର୍ଶରେ ଆସି କରୋନା ଭୂତାଣୁ ଦ୍ୱାରା ଶିକାର ହୋଇଛନ୍ତି ତାହା ସ୍ପଷ୍ଟ ହୋଇନଥିଲେ ମଧ୍ୟ ଏବେ ସେ ନିଜ ବାସଭବନରେ ରହିଛନ୍ତି | ଗତ କିଛି ଦିନ ହେବ ବିଭିନ୍ନ ଡାକ୍ତରଖାନା ଏବଂ କୋଭିଡ କେୟାର ସେଣ୍ଟର ପରିଦର୍ଶନ କରି ରୋଗୀଙ୍କୁ ଭେଟିଥିବା ବେଳେ ସେ ସମୟରେ ସେ କରୋନା ଭୂତାଣୁ ସଂସ୍ପର୍ଶରେ ଆସିଥାଇପାରନ୍ତି ବୋଲି ଆଶଙ୍କା କରାଯାଉଛି |