ବିଜେପି ନେତାଙ୍କୁ କୁକୁର ସହିତ ତୁଳନା କଲେ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟା
ବେଙ୍ଗାଲୁରୁ: କଂଗ୍ରେସ ନେତା ତଥା କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟା ବିଜେପି ନେତାମାନଙ୍କୁ କୁକୁରଙ୍କ ସହିତ ତୁଳନା କରି ବିବାଦୀୟ ମନ୍ତବ୍ୟ ଦେଇଛନ୍ତି।
ଗୁରୁବାର ଦିନ ମହୀଶୂରରେ ଏକ କାର୍ଯ୍ୟକ୍ରମରେ ଉଦ୍ବୋଧନ ଦେବା ବେଳେ ସିଦ୍ଧରମୈୟା କହିଛନ୍ତି, ମୁଁ ଏକାକୀ କଥା କହିବା ବେଳେ ମୋ ବିରୋଧରେ ବିଜେପିର ୨୫ଜଣ ବ୍ୟକ୍ତି ମୁଧୋଲ୍ (ହାଉଣ୍ଡ୍) କୁକୁର ପରି ଭୁକନ୍ତି। କିନ୍ତୁ, ସେମାନେ ଭୁକିବା ବେଳେ କେବଳ ମୋ ଛଡ଼ା ଆମ ଦଳରୁ ଅନ୍ୟ କେହି ଭୁକନ୍ତି ନାହିଁ।
ସିଦ୍ଧରମୈୟା ପୁଣି କହିଛନ୍ତି, ଆମ ଲୋକମାନେ କହନ୍ତି ନାହିଁ। ସେହି କାରଣରୁ ଆମେ ଆମ ଅଫିସରୁ ବହି ବଣ୍ଟନ କରୁ।
ରାଜ୍ୟରେ ପାଠ୍ୟପୁସ୍ତକଗୁଡ଼ିକର ‘ଗୈରିକିକରଣ’ କରାଯାଉଥିବା ବିରୋଧରେ ବିଧାନ ସୌଧ ସମ୍ମୁଖରେ କଂଗ୍ରେସ ଆୟୋଜନ କରିଥିବା ପ୍ରତିବାଦ କାର୍ଯ୍ୟକ୍ରମରେ ବି ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟା ଅଂଶ ଗ୍ରହଣ କରିଥିଲେ। ସରକାର ସଂଶୋଧିତ ପାଠ୍ୟପୁସ୍ତକଗୁଡ଼ିକୁ ପ୍ରତ୍ୟାହାର ନ କରିବା ପର୍ଯ୍ୟନ୍ତ ପ୍ରତିବାଦ ଚାଲୁ ରହିବ ବୋଲି କଂଗ୍ରେସ କହିଛି।
ପାଠ୍ୟ ପୁସ୍ତକ ସଂଶୋଧନ କମିଟିର ମୁଖ୍ୟ ରୋହିତ ଚକ୍ରତୀର୍ଥ ଉକ୍ତ ପାଠ୍ୟ ପୁସ୍ତକକୁ ସଂଶୋଧନ କରିଛନ୍ତି। ସେ ‘ଆର୍ଏସ୍ଏସ୍’ର ସଦସ୍ୟ। ମୋର ଆଶା ଏହାକୁ ସଂଶୋଧନ କରିବା ଲାଗି ସରକାର ବିଚାର କରିବେ। ଯଦି ନ କରନ୍ତି ଆମେ ବାଟଘାଟରେ ଆନ୍ଦୋଳନ କରିବୁ ବୋଲି ପୂର୍ବରୁ ବେଙ୍ଗାଲୁରୁରେ ସିଦ୍ଧରମୈୟା କହିଥିଲେ।
