ପଞ୍ଜାବରେ ବଢୁଛି ଆପର ଲୋକପ୍ରିୟତା: ଦଳରେ ଯୋଗଦେଲେ ପଞ୍ଜାବର ପୂର୍ବତନ ଶିକ୍ଷାମନ୍ତ୍ରୀ ସେବା ସିଂ ସେଖୱାନ

ଚଣ୍ଡିଗଡ଼: ଅକାଳୀ ଦଳ ନେତା ତଥା ପଞ୍ଜାବ କ୍ୟାବିନେଟର ପୂର୍ବତନ ଶିକ୍ଷାମନ୍ତ୍ରୀ ସେବା ସିଂ ସେଖୱାନ ଆଜି ଆପରେ ଯୋଗ ଦେଇଛନ୍ତି । ସେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲଙ୍କ ଉପସ୍ଥିତିରେ ଦଳରେ ଯୋଗ ଦେଇଥିବା ଦେଖିବାକୁ ମିଳିଛି । କେଜ୍ରିୱାଲ ପଞ୍ଜାବ ଗସ୍ତରେ ଥିବା ବେଳେ ଆଜି ଗୁରୁଦାସପୁରରେ ଥିବା ସେବା ସିଂଙ୍କ ଗାଁ ସେଖୱାନକୁ ଯାଇ ତାଙ୍କୁ ତାଙ୍କ ବାସଭବନରେ ଦେଖା କରିଥିଲେ ।

HUGE BOOST TO @AAPPunjab ‼️

Former Cabinet Minister Jathedar Sewa Singh Sekhwan joins AAP in the presence of AAP National Convenor & Delhi CM Shri @ArvindKejriwal

Punjab is ready for Change! pic.twitter.com/LL4kl2xac1

— AAP (@AamAadmiParty) August 26, 2021

 

ସେବା ସିଂ ସେଖୱାନ ଶିରୋମଣି ଅକାଳୀ ଦଳ ଓ ବିଜେପି ମେଣ୍ଟ ସରକାର ସମୟରେ ପଞ୍ଜାବର ଶିକ୍ଷାମନ୍ତ୍ରୀ ଥିଲେ । ଏହାସହ ସେ ଅକାଳୀ ଦଳ (ଡେମୋକ୍ରାଟିକ) ର ପ୍ରତିଷ୍ଠାତା ସଦସ୍ୟ ବି ଥିଲେ । ସେବା ସିଂ ସେଖୱାନ ଆପରେ ସାମିଲ ହେବା ପରେ ଗଣମାଧ୍ୟମକୁ ସମ୍ବୋଧିତ କରି ଦିଲ୍ଲୀ ମୁଖ୍ୟମନ୍ତ୍ରୀ କହିଛନ୍ତି, “ସେ ଆମକୁ ଆଶୀର୍ବାଦ ଦେଇଛନ୍ତି ଏବଂ ଆମ ପରିବାରରେ ଯୋଗ ଦେଇଛନ୍ତି। ଆମେ ତାଙ୍କୁ ଆମ ପରିବାରରେ ସ୍ୱାଗତ କରୁଛୁ ଏବଂ ଆମେ ଚାହୁଁଛୁ ଯେ ସେ ଆମର ମାର୍ଗଦର୍ଶନ କରନ୍ତୁ।”