ନୂଆଦିଲ୍ଲୀ : ଦିଲ୍ଲୀର ନରେଲା ଇଣ୍ଡଷ୍ଟ୍ରିଆଲ ଅଞ୍ଚଳରେ ଶୁକ୍ରବାର ଦିନ ଏକ ୪ ମହଲା କୋଠା ଭୁଶୁଡ଼ି ପଡ଼ିବାରୁ ୪ ଜଣଙ୍କ ମୃତ୍ୟୁ ହୋଇଛି ଏବଂ ୨ ଜଣ ଆହତ ହୋଇଛନ୍ତି। ମିଳିଥିବା ସୂଚନାନୁଯାୟୀ ୨ ଜଣ ମହିଳା ଫତିମା ଏବଂ ଶେହନାଜଙ୍କୁ ଭଗ୍ନାବଶେଷ ତଳୁ ଉଦ୍ଧାର କରାଯାଇ ସେମାନଙ୍କୁ ନିକଟସ୍ଥ ହସ୍ପିଟାଲ୍ ପଠାଯାଇଥିଲା। ସେମାନଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଅଛି। କିନ୍ତୁ ଶେହନାଜଙ୍କ ଝିଅ ଏବଂ ଅନ୍ୟ ୩ ଜଣଙ୍କର ଏଥିରେ ମୃତ୍ୟୁ ଘଟିଛି। ଶେହନାଜଙ୍କ ୯ବର୍ଷର ଝିଅ ଆଫ୍ରିନ୍ ଏବଂ ଅନ୍ୟ ୩ ଜଣଙ୍କ ମୃତ୍ୟୁ ହୋଇଥିବା ପୁଲିସ ସୂତ୍ରରୁ ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ମୃତକମାନେ ହେଲେ ରୁକେୟା ଖାତୁନ, ଶେହଜାଦ ଏବଂ ଡାନିସ। ଅଗ୍ନିଶମ ବିଭାଗର ଅଧିକାରୀମାନେ କହିଛନ୍ତି, ଅପରାହ୍ନ ୨.୪୫ରେ ସେମାନଙ୍କ ନିକଟରେ ଘର ଭୁଶୁଡ଼ିବା ଖବର ପହଞ୍ଚିଥିଲା। ସଙ୍ଗେସଙ୍ଗେ ୪ ଅଗ୍ନି ନିର୍ବାପକ ଦଳ ଘଟଣା ସ୍ଥଳରେ ପହଞ୍ଚିଥିଲେ। ଉଦ୍ଧାର କାର୍ଯ୍ୟରେ ସାହାଯ୍ୟ ପାଇଁ ଗୋଟିଏ ଜେସିବି ମେସିନ୍ ଏବଂ ୨ଟି ଆମ୍ବୁଲାନ୍ସ ନିୟୋଜିତ କରାଯାଇଥିଲା। ସ୍ଥାନୀୟ ଲୋକଙ୍କ କହିବା ଅନୁଯାୟୀ ଆହୁରି ୨ ଜଣ ଲୋକ ମଧ୍ୟ ଭଗ୍ନାବଶେଷ ତଳେ ଫସିଛନ୍ତି। ଉଦ୍ଧାର କାର୍ଯ୍ୟ ଜାରି ରହିଛି।