ପାଟନା: ବିହାରର ଜହାନାବାଦର ପଚମହଲା ମୁଖ୍ୟ ସଡ଼କ ପାର୍ଶ୍ୱରେ ମଧ୍ୟ ଗ୍ରାମାଂଚଳ ବ୍ୟାଙ୍କ ନିକଟରେ ବୁଧବାର ଏକ ପୁରୁଣା ଘରର କାନ୍ଥ ଭୁଶୁଡ଼ିବାରୁ ୪ ଜଣ ଲୋକଙ୍କର ମୃତ୍ୟୁ ଘଟିଛି। ଏହି ଘଟଣାରେ ୪ ଜଣ ଆହତ ହୋଇଛନ୍ତି। ସୂଚନା ପାଇଁ ପୁଲିସ ଏବଂ ଆମ୍ବୁଲାନ୍ସ ଘଟଣାସ୍ଥଳରେ ପହଂଚିଛି। ପୁଲିସ ମୃତଦେହ ଉଦ୍ଧାର କରିଥିବା ବେଳେ ଆହତଙ୍କୁ ହସ୍ପିଟାଲରେ ଭର୍ତ୍ତି କରିଛି।
Sambad is now on WhatsApp
Join and get latest news updates delivered to you via WhatsApp
ଜହାନାବାଦରେ ହୋଇଥିବା ଘଟଣାରେ ଏକ ପୁରୁଣା ଘରର କାନ୍ଥ ଭୁଶୁଡ଼ିଥିଲା। ଏଥିରେ ୪ ଜଣ ଲୋକଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୨ ଜଣ ମହିଳା ମଧ୍ୟ ସାମିଲ ଅଛନ୍ତି। ୪ ଜଣ ଲୋକ ଆହତ ଥିବା ବେଳେ ସେମାନଙ୍କ ମଧ୍ୟରୁ ୨ ଜଣଙ୍କୁ ପାଟଣାସ୍ଥିତ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି। ପୁରୁଣା ଘରର ମରାମତି କାମ ଚାଲିଥିବା ବେଳେ ଆଜି କାନ୍ଥ ଭୁଶୁଡ଼ି ପଡ଼ିଥିଲା।