୨୦୨୦ ମାର୍ଚ୍ଚ ସୁଦ୍ଧା ଗ୍ରାମାଞ୍ଚଳରେ ମିଳିବ ମାଗଣା ଓ୍ଵାଇ-ଫାଇ ସେବା
ନୂଆଦିଲ୍ଲୀ: ଭାରତନେଟ୍ ଜରିଆରେ ଏଣିକି ଗ୍ରାମୀଣ ଅଧିବାସୀ ମାଗଣା ୱାଇଫାଇ ସେବାର ଲାଭ ଉଠାଇପାରିବେ । ଭାରତନେଟ ଅପଟିକାଲ ଫାଇବର୍ ଦ୍ୱାରା ସଂଯୋଗ ହୋଇଥିବା ଗାଁମାନଙ୍କରେ ୨୦୨୦ ମାର୍ଚ୍ଚ ମାସ ସୁଦ୍ଧା ମାଗଣା ଓ୍ଵାଇ-ଫାଇ ସେବା ଯୋଗାଇ ଦିଆଯିବ ବୋଲି କେନ୍ଦ୍ର ଟେଲିକମ୍ ଓ ଆଇଟି ମନ୍ତ୍ରୀ ରବିଶଙ୍କର ପ୍ରସାଦ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ କହିଛନ୍ତି, ୧.୩ ଲକ୍ଷ ଗ୍ରାମ ପଞ୍ଚାୟତକୁ ଭାରତନେଟ ଅପଟିକାଲ ଫାଇବର ସହ ଯୋଡା ସରିଛି । ଆମର ଲକ୍ଷ୍ୟ ହେଉଛି ଏହାକୁ ୨.୫ ଲକ୍ଷରେ ପହଞ୍ଚାଇବା । ଭାରତ ନେଟ୍ ସର୍ଭିସର ପ୍ରସାର ନିମନ୍ତେ ୨୦୨୦ମାର୍ଚ୍ଚ ମାସ ମଧ୍ୟରେ ମାଗଣା ଓ୍ଵାଇ-ଫାଇ ସେବା ଯୋଗାଇ ଦିଆଯିବାର ଯୋଜନା ରହିଛି । ଏହାଦ୍ବାରା ଗ୍ରାମୀଣ ଅର୍ଥନୀତିକୁ ସମୃଦ୍ଧ କରାଇବାରେ ଡିଜିଟାଲ୍ ସେବା ସହାୟକ ହେବ।
ଡିଜିଟାଲ୍ ସେବା ମାଧ୍ୟମରେ ଶିକ୍ଷା, ସ୍ୱାସ୍ଥ୍ୟ କିମ୍ବା ଆର୍ଥିକ ସେବା ଯୋଗାଇ ଗ୍ରାମୀଣ ସମୁଦାୟକୁ ସଶକ୍ତ କରିବା ଉପରେ ଡିଜିଟାଲ୍ ଗ୍ରାମ ପ୍ରକଳ୍ପ ଗୁରୁତ୍ୱ ଦିଏ । ଡିଜିଟାଲ୍ ଗ୍ରାମରେ ଯୋଗ୍ୟ ନାଗରିକମାନଙ୍କୁ କମ୍ପ୍ୟୁଟର୍ ଏବଂ ନେଟ୍ ବିଷୟରେ ତାଲିମ ଦିଆଯିବ । ଯୁବବର୍ଗ ଏବଂ ଛାତ୍ରଛାତ୍ରୀମାନେ ଏଥିରୁ ଅନେକ ପ୍ରକାର ଶିକ୍ଷାଗତ ଏବଂ ଅନ୍ୟାନ୍ୟ ଜ୍ଞାନକୌଶଳ ପାଇ ପାରିବେ ବୋଲି କହିଛନ୍ତି କେନ୍ଦ୍ର ଟେଲିକମ୍ ଓ ଆଇଟି ମନ୍ତ୍ରୀ ରବିଶଙ୍କର ପ୍ରସାଦ ।