ଉଦ୍ଧବଙ୍କ ଅଫରକୁ ନେଇ ଏଭଳି କହିଲେ ନିତିନ ଗଡ଼କରୀ
ମୁମ୍ବାଇ: ମହାରାଷ୍ଟ୍ରରେ ଲୋକସଭା ଆସନ ପାଇଁ ଟିକେଟ ଘୋଷଣାକୁ ନେଇ ଦଳମାନଙ୍କ ମଧ୍ୟରେ କସରତ ଜାରି ରହିଛି | ଏହାରି ଭିତରେ କେନ୍ଦ୍ର ମନ୍ତ୍ରୀ ତଥା ବିଜେପିର ବରିଷ୍ଠ ନେତା ନିତିନ ଗଡକରୀ, ଉଦ୍ଧବ ଠାକରେଙ୍କ ଅଫର ଉପରେ କହିଛନ୍ତି ଯେ ଅନ୍ୟ ଦଳରେ ଯୋଗଦେବା ପ୍ରଶ୍ନ କେବେ ଉଠେ ନାହିଁ। ନାଗପୁର ସାଂସଦ ତଥା ବିଜେପି ପ୍ରାର୍ଥୀ ଗଡକରୀ କହିଛନ୍ତି ଯେ ମୁଁ ଜଣେ ବିଜେପି କର୍ମୀ ଏବଂ ଆରଏସଏସର ସ୍ୱୟଂସେବକ | ଆଦର୍ଶ ମୋ ଜୀବନର ଏକ ଅଂଶ | ମୁଁ ମୋ ଦଳରେ ରହିବି, ଅନ୍ୟ ଦଳରେ ମିଶି ଲଢ଼ିବାର କୌଣସି ପ୍ରଶ୍ନ ଉଠୁନାହିଁ। ବାସ୍ତବରେ ଲୋକସଭା ନିର୍ବାଚନ ପାଇଁ ବିଜେପି ଦ୍ୱାରା ପ୍ରକାଶିତ ପ୍ରାର୍ଥୀଙ୍କ ପ୍ରଥମ ତାଲିକାରେ ନିତିନ ଗଡକରୀଙ୍କ ନାମ ନଥିବାରୁ ଶିବସେନା (ଉଦ୍ଧବ ଦଳ) ପ୍ରଶ୍ନ ଉଠାଇଥିଲା | ଶିବସେନାର ମୁଖପତ୍ର “ସାମନା” ରେ ପ୍ରକାଶିତ ସମ୍ପାଦକୀୟରେ ଏହା ମଧ୍ୟ କୁହାଯାଇଥିଲା ଯେ ସେ ହେଉଛନ୍ତି ବିଜେପିର ଏକମାତ୍ର ନେତା ଯିଏ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଅମିତ ଶାହାଙ୍କ ଦାଦାଗିରିକୁ ବରଦାସ୍ତ କରନ୍ତି ନାହିଁ |
Sambad is now on WhatsApp
Join and get latest news updates delivered to you via WhatsApp
ଏହା ପରେ ଶିବସେନା (ୟୁବିଟି) ସୁପ୍ରିମୋ ଠାକ୍ରେ ବରିଷ୍ଠ ବିଜେପି ନେତା ତଥା କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କୁ ବିଜେପି ଛାଡ଼ି ଏମ୍ଭିଏ (ମହାବିକାଶ ଅଘାଡ଼ି)ରୁ ପ୍ରାର୍ଥୀ ହେବାକୁ ଖୋଲା ଅଫର ଦେଉଥିବାର ଦେଖିବାକୁ ମିଳିଥିଲା । ଏହା ଉପରେ ପ୍ରତିକ୍ରିୟା ରଖି ନିତିନ କହିଛନ୍ତି ଯେ “ଆମ ଦଳ (ବିଜେପି) ରେ ଏକ ବ୍ୟବସ୍ଥା ଅଛି। ରାଜ୍ୟ ସଭାପତି ଏବଂ ସମସ୍ତ ବରିଷ୍ଠ ନେତା ସଂସଦୀୟ ବୋର୍ଡ ସହିତ ଆଲୋଚନା କରନ୍ତି। ପ୍ରଥମ ତାଲିକା ସମୟରେ ଉତ୍ତରପ୍ରଦେଶ, ମଧ୍ୟପ୍ରଦେଶ ଏବଂ ଗୁଜୁରାଟ ବିଷୟରେ ଆଲୋଚନା ହୋଇଥିଲା। ମହାରାଷ୍ଟ୍ର ବିଷୟରେ ଆଲୋଚନା ହୋଇନଥିଲା | ମହାରାଷ୍ଟ୍ର ବାବଦରେ ଯେତେବେଳେ ଆଲୋଚନା ହେଲା ସେତେବେଳେ ମୋ ନାମ ଥିଲା | ତେଣୁ ପ୍ରଥମ ତାଲିକାରେ ନାମ ନ ରହିବା ପଛରେ କୌଣସି କାରଣ ନଥିଲା |