ଆବୁଧାବିରେ ଗଣେଶ ପୂଜା ପାଳନ କଲେ ପ୍ରବାସୀ ଓଡ଼ିଆ
ଭୁବନେଶ୍ବର: କରୋନା ମହାମାରୀ ସମଗ୍ର ବିଶ୍ବକୁ କବଳିତ କରିଥିବା ସମୟରେ ପ୍ରବାସୀ ଓଡ଼ିଆମାନଙ୍କ ଦ୍ଵାରା ବିଦେଶରେ ମଧ୍ୟ ଗଣେଶ ପୂଜା ଅନୁଷ୍ଠିତ ହୋଇଛି। ଏହି କ୍ରମରେ ସୁଦୂର ସଂଯୁକ୍ତ ଆରବ ଏମିରେଟ୍ସସ୍ଥିତ ଆବୁଧାବି ଇଲେକ୍ଟ୍ରାରେ ଗଣେଶ ପୂଜା ପାଳନ ହୋଇଛି । ଏଠାରେ କାର୍ଯ୍ୟରତ ଓଡ଼ିଆମାନେ ଏକତ୍ରୀତ ହୋଇ ଗଣପତିଙ୍କ ପୂଜାର ଆୟୋଜନ କରିଥିଲେ। ପାରମ୍ପରିକ ରୀତିରେ ପୂଜାର୍ଚ୍ଚନା ସଂପନ୍ନ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ପ୍ରବାସୀ ଓଡ଼ିଆ ଅଭିନନ୍ଦନ ଚୌଧୁରୀ, ସୁନୀଲ ମହାନ୍ତି, ଅରୁଣ ମହାନ୍ତି, ବିଜୟକାନ୍ତ ଦୁବେ, ରୋହିତ ସାମଲ, ରାକେଶ ପଟ୍ଟନାୟକ, ଅମରଜିତ୍ ଦାସ ଉପସ୍ଥିତି ରହି ପୂଜା-ଅନୁଷ୍ଠାନକୁ ସୁରୁଖୁରୁରେ ସମ୍ପାଦନ କରିଥିଲେ | ବିଦେଶରେ ରହି ମଧ୍ୟ ଓଡ଼ିଆ ସଂସ୍କୃତି ଓ ପରମ୍ପରାକୁ ବଜାୟ ରଖିବାର ଏହି ପ୍ରୟାସ ନିଶ୍ଚିତ ଭାବେ ପ୍ରଶଂସନୀୟ | ପୂଜା ସମୟରେ ସାମାଜିକ ଦୂରତା ଅବଲମ୍ବନ କରାଯିବା ସହ ଅନ୍ୟ ସମସ୍ତ ସତର୍କତା ଅବଲମ୍ବନ କରାଯାଇଥିଲା ବୋଲି ରୋହିତ ସାମଲ କହିଛନ୍ତି।