ପୁଣି ଏକ ଲଜ୍ଜା! ସ୍କୁଲରୁ ଘରକୁ ଫେରୁଥିବା ବେଳେ ଶିକ୍ଷୟିତ୍ରୀଙ୍କ ପାଟିରେ କପଡ଼ା ପୂରାଇ, ଜଣକ ପରେ ଜଣେ କଲେ ଗଣଦୁଷ୍କର୍ମ
ସିଧି: ହାଇଦ୍ରାବାଦରେ ପଶୁ ଡାକ୍ତରରାଣୀ ଘରକୁ ଫେରୁଥିବା ବେଳେ ୪ଜଣ ଟ୍ରକ୍ ଚାଳକଙ୍କ ଦ୍ୱାରା ଦୁଷ୍କର୍ମର ଶିକାର ହୋଇଥିଲେ। ଏହି ଘଟଣାରେ ସମ୍ପୃକ୍ତ ଥିବା ୪ ଦୁଷ୍କର୍ମକାରୀଙ୍କ ଏନ୍କାଉଣ୍ଟରରେ ମୃତ୍ୟୁ ହୋଇଥିଲେ ବି ଏହି ମାମଲା ଏଯାଏଁ ଶାନ୍ତ ପଡ଼ି ନାହିଁ। ଏଭଳି ପରିସ୍ଥିତିରେ ମଧ୍ୟପ୍ରଦେଶର ସିଧି ଜିଲ୍ଲାର ରାମପୁର ନୌକିନ ଥାନା ଅଞ୍ଚଳର ପିପରାୱ ଗାଁରେ ସ୍କୁଲରୁ ଘରକୁ ଫେରୁଥିବା ବେଳେ ଜଣେ ଶିକ୍ଷୟିତ୍ରୀ ଗଣଦୁଷ୍କର୍ମର ଶିକାର ହୋଇଥିବା ଘଟଣା ସାମ୍ନାକୁ ଆସିଛି।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣାଟି ଗତ ଗୁରୁବାର ସନ୍ଧ୍ୟା ପାଖାପାଖି ୬ଟା ବେଳେ ଘଟିଛି। ଏକ ଘରୋଇ ସ୍କୁଲର ଶିକ୍ଷୟିତ୍ରୀ ସ୍କୁଲ ଛୁଟି ହେବା ପରେ ଘରକୁ ଫେରୁଥିଲେ। ଏହି ସମୟରେ ରାସ୍ତା ମଝିରେ ୪ଜଣ ଯୁବକ ତାଙ୍କୁ ଅଟକାଇ ମୁହଁରେ କପଡ଼ା ବାନ୍ଧି ନିକଟସ୍ଥ କେନାଲ୍ କଡ଼ରେ ଥିବା ପଡ଼ିଆକୁ ଘୋଷାଡ଼ି ନେଇଥିଲେ।
ଅଭିଯୁକ୍ତମାନେ ସେଠାରେ ଶିକ୍ଷୟିତ୍ରୀଙ୍କ ପାଟିରେ କପଡ଼ା ପୂରାଇ ଜଣକ ପରେ ଜଣେ ଏଭଳି ୪ଜଣ ଗଣଦୁଷ୍କର୍ମ କରିଥିଲେ। ପୁଲିସ ଏହି ଦୁଷ୍କର୍ମ ବିଷୟରେ ଖବର ପାଇବା ମାତ୍ରେ ତୁରନ୍ତ ତଦନ୍ତ ଆରମ୍ଭ କରି ଅଭିଯୁକ୍ତ ବଚ୍ଚୁ ଲୋନିୟା,ବୀରୁ ଲୋନିୟା,ନରେନ୍ଦ୍ର ଲୋନିୟା ଏବଂ ଶିବଶଙ୍କର ଲୋନିୟାଙ୍କୁ ସେମାନଙ୍କ ଘରୁ ଗିରଫ କରି କୋର୍ଟ ଚାଲାଣ କରିଛି।