ରାସ୍ତାରୁ ପ୍ଲାଷ୍ଟିକ ଆଣି ଦେଲେ ସରକାର ଦେବେ ମାଗଣା ଖାଦ୍ୟ
ଅମ୍ବିକାପୁର: ରାସ୍ତାରେ ପଡିଥିବା ପ୍ଲାଷ୍ଟିକ ଗୋଟାଇ ଆଣିଲେ ପେଟପୁରା ମାଗଣା ଖାଦ୍ୟ ମିଳିବ | କିଛି ଏଭଳି ନିଆରା ଚିନ୍ତାକୁ ନେଇ ଛତିଶଗଡ଼ର ଅମ୍ବିକାପୁରରେ ଆଜି ଏକ କାଫେର ଉଦଘାଟନ କରାଯାଇଛି | ରାଜ୍ୟ ସରକାରଙ୍କ ସ୍ୱାସ୍ଥ୍ୟ ମନ୍ତ୍ରୀ ଟି ଏସ ସିଂହଦେଓ ଦେଶର ପ୍ରଥମ ଗାରବେଜ କାଫେର ଶୁଭାରମ୍ଭ କରିଛନ୍ତି | ପରିବେଶକୁ ପ୍ଲାଷ୍ଟିକ ମୁକ୍ତ ପାଇଁ ଏଭଳି ଏକ ନୂଆ ନିଷ୍ପତ୍ତି ନିଆଯାଇଛି |
Sambad is now on WhatsApp
Join and get latest news updates delivered to you via WhatsApp
ଛତିଶଗଡ଼ର ଅମ୍ବିକାପୁର ନଗର ନିଗମ ପକ୍ଷରୁ ଏହି କାଫେକୁ ପରିଚାଳନା କରାଯାଉଥିବାବେଳେ ପ୍ଲାଷ୍ଟିକ ଆବର୍ଜନା ବଦଳରେ ପେଟପୁରା ଖାଦ୍ୟ ଖାଇବାକୁ ଦିଆଯାଉଛି | ବଡ କଥା ହେଉଛି ଯେ ଏହି କାଫେ ୨୪ ଘଣ୍ଟା ଖୋଲା ରଖାଯିବାକୁ ନିଷ୍ପତ୍ତି ନିଆଯାଇଥିବାବେଳେ ଯେ କୌଣସି ବ୍ୟକ୍ତି ଯେତେବେଳେ ଚାହିଁବେ ଯାଇ ଖାଇପାରିବେ | ଯଦି ଆପଣ ଏକ କିଲୋ ପ୍ଲାଷ୍ଟିକ ନେଇ କାଫେକୁ ଯାଆନ୍ତି ତେବେ ଆପଣଙ୍କୁ ପେଟପୁରା ଖାଦ୍ୟ ଖାଇବାକୁ ମିଳିବ |
ସେହିପରି ଯଦି ଆପଣ ୫୦୦ କିଲୋଗ୍ରାମ ପ୍ଲାଷ୍ଟିକ ନେଇ ଯାଆନ୍ତି ଜଳଖିଆ ମାଗଣାରେ ଖାଇବାକୁ ଦିଆଯିବ | ଏହି କାଫେରୁ ସଂଗ୍ରହ ହୋଇଥିବା ପ୍ଲାଷ୍ଟିକକୁ ରାସ୍ତା ନିର୍ମାଣରେ ବ୍ୟବହାର କରାଯିବ | ରାଜ୍ୟ ସରକାରଙ୍କ ବଜେଟରେ ଏହି କାଫେ ପାଇଁ ୫ ଲକ୍ଷ ଟଙ୍କାର ବ୍ୟବସ୍ଥା ମଧ୍ୟ କରାଯାଇଛି |